Header Ads

  • Baru Nyadi

    Siku lelaki bebadi nyawa, eksiden ba Jalai Kampung Kepayang

    KASIH AMAT: Pendiau motosikal ke ditepan mansa pengudah eksiden nyadi.

    KUCHING: Siku lelaki bebadi nyawa pengudah motosikal ke ditepan iya eksiden ba Jalai Kampung Kepayang, di Simunjan, lemai kemari.

    Lebuh eksiden nyadi urung jam 6.30 lemai kemari, siku lelaki (mansa) ke dikelala ngena nama, Paul Japok, 25 taun, orang ari Kampung Batu Mumong, Gedong, Simunjan.

    Ketuai Opis Tasat enggau Penguasa Trafik (JSPT) Sarawak, Superintenden Alexson Naga Chabu, madahka eksiden nyadi bepun ari motosikal ke ditepan mansa enda ulih dijaga enggau ngejungka tepawah kediri.

    "Asil pansik tumu, mansa benung dirantau jalai ari Kampung Kepayang nuju ke Simpang Kepayang, Simunjan.

    "Lebuh datai Jalai kampung Kepayang mansak jalai betiku nurun bukit, mansa enda ulih nyaga motosikal ke ditepan iya lalu ngejung ke iya tepawah kediri enggau tama ke jalai sepiak kanan," ku iya lebuh ke dirandau pengarang berita, sehari tu tadi.

    Ku Alexson, pengudah eksiden nyadi, mansa balat bakal ba pala enggau raban perubat ari Sepital Simunjan ti bisi ngesah ke palan eksiden ke nyadi madahka mansa udah enda ulih diselamtka agi tauka udah nadai.

    "Bangkai mansa pengudah nya dianjung ke Sepital Serian laban deka bejalaika pengawa buntas tasat.

    Ku iya, kelimpah ari nya, polis mega bisi ngambi gambar enggau ngesah ke palan penusah ke nyadi.

    Alexson ngelansa, motosikal ke ditepan mansa mega dianjung peresa ba Puspakom.

    "Raban polis mega agi ngiga enti nyema bisi saksi meda lebuh penusah eksiden nyadi," ku iya.

    Kes dipansik ari baruh Seksyen 41 (1) Akta Pengangkutan Jalan 1987

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads