Siku lelaki ditan polis, masung menyadi ipar iya
Cari Berita

Advertisement

Siku lelaki ditan polis, masung menyadi ipar iya

Frankie John™
April 6, 2019

Gambar pengias 

KUCHING: Siku lelaki ditan polis kemari, pengudah dipechayaka beberapa kali udah masung menyadi ipar iya (mansa) ti baru manggai umur 14 taun.

Ku penerang, saspek, 23 taun, orang dari Kampung Semera, Asajaya ditangkap ba endur iya kereja di sebuah kedai nuchi kerita di Tabuan, ditu, urung jam 9.50 malam.

Saspek kena tangkap polis pengudah indai mansa (entua saspek) ngaga ripot madahka mansa ngaku diri kala beleman enggau saspek.

“Keterubah sekali saspek masung mansa kena bulan Disember taun nyin tadi, lebuh mansa benung tinduk enggau saspek mai iya beleman.

Mansa enggau saspek pengudah nya bisi mega beleman, tang mansa enda ingat berapa haribulan enggau kepenudi sekali ianya kena 3 April 2019.

“Kena 3 April 2019, saspek diripotka mai mansa bemalam ba sebuah hotel bajet di Kota Sentosa sebedau nganjung mansa pulai ke rumah hari siti (4 April 2019,” ku penerang.


Kena 3 April 2019 mega, bala ke sebilik enggau mansa bisi ngaga ripot polis madahka mansa lenyau pengudah meda anak iya (mansa) nadai pulai ke rumah sebedau saspek nganjung mansa pulai ke rumah.

Mansa dianjung saspek ke rumah aya iya di Sekama enggau pengudah nya, dibai ke Balai Polis Pampang (IPD) Kota Samarahan kena bejalaika pengawa nasat berindik ari ripot bekaul pengelenyau mansa.

“Nangkan ke nya, mansa nyeritaka nama utai ti udah nyadi ba iya lebuh ke ditanya tasat raban polis,” ku penerang.

Berebak enggau nya, Ketuai Polis Pampang Padawan, Superintenden Aidil Bolhassan, madahka saspek udah ditangkap plois enggau kes nya agi dipansik.

Mansa diatu udah dibai ke Sepital Besai Sarawak (HUS) laban deka diperesa silik enggau saspek ditan polis kena bejalaika pengawa nasat silik agi,” ku iya.