Header Ads

  • Baru Nyadi

    Siku lelaki ditan polis, nguji masung siku indu ba pub di Sibu

    Gambar pengias

    SIBU: Siku lelaki ditan polis pengudah dipechayaka nguji masung siku indu ba sebuah pub di Sungai Merah, ditu, malam tadi.

    Penusah nyadi urung jam 11.50 malam tadi (Hari Dua), mansa (waitress), 31 taun, benung nuchi jamban ba pub nya enggau saspek mansang semak iya (mansa). 

    Ketuai Polis Pampang Sibu, ACP Stanley Jonathan Ringgit polis, madahka saspek ngeju enggau narit jari mansa ba jamban pub nya. 

    Ku iya, saspek pengudah nya dipechayaka nguji muka tanchut mansa enggau ngekak rekung mansa ti beumur 31 taun.

    Mansa pengudah nya numpu utai pemalu saspek kena iya nyelamatka diri.

    “Nangkan ke nya, mansa lalu nyerauh minta tulung, nasit manah anak tokey (saksi) pub nya bisi ninga munyi kanggau iya enggau lalu mantu mansa,” ku iya lebuh ke dirandau pengarang berita, sehari tu tadi.

    Ku iya, anak tokey pub nya mujur nangkap saspek beumur 20 taun nya ditan urung jam 12.29 tengah malam sebedau sebedau polis datai ba pub nya.

    Kes dipansik ari baruh Seksyen 354 Kanun Keseksaan.

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads