Siku lelaki ditemu midang ba dalam kerita di kuarters Sepital Miri
Cari Berita

Advertisement


Siku lelaki ditemu midang ba dalam kerita di kuarters Sepital Miri

Staf @beritaibanMY
April 24, 2019

GRAPIK PENGIAS: Ekzos kerita

MIRI: Siku lelaki ditemu midang ba dalam sebuah kerita di parking kerita, kuarters Sepital Miri, malam tadi.

Nitihka penerang ke diterima @beritaibanMY, lelaki nya (mansa) beumur 41 taun, ditemu anak iya benung enda ngeleda ba dalam kerita ti dilog nya urung jam 10.25 malam tadi.

Ketuai Polis Pampang Miri, ACP Lim Meng Seah, raban perubat ari Sepital Miri berumban ngesah ke palan penusah ke nyadi pengudah nerima ripot ari anak lelaki nya.

"Lebuh raban perubat datai ba palan penusah ke nyadi, sida iya madahka lelaki nya udah enda ulih diselamatka agi tauka udah nadai.

"Kebuah lelaki nya midang dipechayaka bepun ari asap ekzos kerita nya ti disambung ngena hos enggau tama ke dalam cheremin kerita nya enggau ngejungka lelaki nya tusah deka enseput.

"Asil pansik silik, lelaki nya kala nganjung video ngagai bini iya enggau madah deka munuh diri. Sebedau tu, lelaki nya mega kala madahka bini deka munuh diri," ku iya lebuh ke dirandau pengarang berita, sehari tu tadi.

Bangkai lelaki nya udah dianjung ke Sepital Miri laban deka dibuntas tasat.

Ku Lim, nadai bekau jenayah diripotka nyadi ba palan penusah ke nyadi enggau kes nya ditukuka nyadi parai ngenyit (SDR).