Siku lelaki kena achuk bini ngena pisu, dipaluk ngena kayu golf
Cari Berita

Advertisement

Siku lelaki kena achuk bini ngena pisu, dipaluk ngena kayu golf

Staf @beritaibanMY
April 9, 2019

KASIH AMAT: Tubuh mansa pengudah kena achuk saspek ngena pisu enggau dipaluk ngen kayu golf.

SINGAPORE: Siku lelaki dikelala ngena nama Zhong Zhengy, 51 taun, diachuk bini iya ngena pisu. Ukai nya aja.. Iya (mansa) mega dipaluk bini iya ngena kayu golf.

Zhong jadi enggau bini iya ti beumur 44 taun, orang ari Vietnam, Phan Thi Ngoc Dung, enggau seduai iya udah begulai kenyau ari September 2014.

Nitihka penerang, seduai iya besulu jauh ari pangan diri tauka besulu tang jarang betemu pengelama tujuh taun sebedau seduai iya mutus ati deka jadi melaki-bini.

Phan sanggup datai ke Singapore enggau anak indu iya ti beumur 18 taun ketegal deka jadi enggau Zhong.

Pengudah Zhong (mansa) jadi enggau Phan (saspek), sida iya tiga mindah ke Yishun kenyau tiga taun ti udah lalu.

Tang taja pia, ketegal mansa kelalu mayuh pengawa ke digaga ba opis enggau suah pulai laun ke rumah, seduai iya suah belaya enggau ngejung ke saspek suah tinduk enggau anak indu iya.

Penusah nyadi tumu pagi, 29 Mac 2019, lebuh mansa pulai ke rumah pengudah sehari suntuk gawa. Enda memukai saspek ngachuk mansa ngena pisau enggau maluk mansa ngena kayu golf.

Tekenyit meda ulah ke digaga saspek, mansa belanda ke bilik besai enggau ngaggauka polis. 

Anak tiri mansa ti benung tinduk ba pangking dani kenyap enggau nagang indai iya.

"Aku kelalu mayuh pengawa ba opis. Nya alai, aku tumu pansut ari rumah sebedau matahari ayan enggau aku laun pulai ke rumah.

"Saspek (bini mansa) suah amat madahka aku suah nadai dirumah enggau tua iya suah belaya ketegal pekara nya," ku mansa nusika penusah ke ditapi iya ngagai pengarang berita.

Berindik ari penusah ke nyadi, mansa diripotka bedarah ba dalam untak enggau mata sepiak kiba iya mega tusahka meda.

Nangkan ke nya, mansa dianjung berubat silik ba sepital.

Kelimpah ari nya, saspek ditan polis enggau deka diperesa untak (mental) ba sepital.