Header Ads

  • Baru Nyadi

    Siku orang bekebun mit parai, kena pantap ngena duku ba jari, dagu, rekung

    KASIH AMAT: mansa diripotka ngapuska seput kepenudi ba palan penusah ke nyadi ketegal balat pansut darah pengudah kena pantap ngena duku.

    KOTA MARUDU: Siku orang bekebun mit ditemu parai enggau bisi abi pantap, dipechayaka parai kena bunuh ba Kampung Marak Parak, ditu, lemai kemari.

    Bangkai orang ke parai nya dikelala ngena nama Mastan Komong (mansa), 50 taun, ditemu genturung pendiau urung jam 4.30 enggau bisi abi pantap ba jari, rekung enggau dagu mansa.

    Ketuai Polis Pampang Kota Marudu, Superintendan Mohd Izaan Abdullah, asil pansik tumu, lebuh mansa ditemu genturung pendiau, mansa benung gali telentang ba semak kebun ke diempu iya. 

    Ku iya, asil peresa ba palan penusah ke nyadi raban polis bisi tetemuka duku ke dipechayaka kena saspek mantap mansa.

    “Asil tanya tasat enggau penerang ari saksi, penusah nyadi dipechayaka bepun ari laya antara saspek enggau mansa bekaul enggau paip ai.

    “Siku saksi ti kereja nyadi sekuriti madahka bisi meda saspek baka ke berumban pansut laju ari palan penusah ke nyadi ngena motosikal,” ku iya lebuh ke dirandau pengarang berita, malam tadi.

    Mohd Izaan ngelansa, berindik ari nya, polis nangkap siku lelaki kena bejalaika pengawa nasat.

    Ku iya, bangkai dianjung ke Sepital Kota Marudu enggau asil buntas tasat ngeripotka mansa parai ketegal balat pansut darah pengudah kena pantap ngena perengka ti tajam.

    “Kes ditasat ari baruh Seksyen 302 Kanun Keseksaan ketegal munuh,” tandu iya.

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads