Siku orang tuai diripotka lenyau, dipechayaka labuh ba sungai Rejang
Cari Berita

Advertisement

Siku orang tuai diripotka lenyau, dipechayaka labuh ba sungai Rejang

Frankie John™
April 6, 2019

Raban bomba benung bejalaika operasyen SAR ba palan penusah ke nyadi.

KAPIT: Siku orang tuai ke diripotka lenyau enggau lemas dipechayaka labuh ba Sungai Rejang, ditu, sehari tu tadi.

Orang tuai nya (mansa) dikelala ngena nama Bansa Judan, beumur 65 taun.

Pengari Operasyen Bomba Sarawak, madaha raban iya bisi nerima ripot bekaul enggau penusah ke nyadi urung jam 10.30 pagi tadi.

Ku iya, berindik ari ripotka diterima, seraban bomba ari BBP Kapit berumban ngesah ke palan penusah ke nyadi ngambika ulih bejalaika Operasyen Ngiga enggau Nyelamat (SAR).

“Lebuh datai ba palan penusah ke nyadi, raban bomba bejalaika operasyen ngena chara ‘water surface searching’ enggau ‘grappling iron’ kena ngiga mansa.

“Tang taja pia, naka jam 4.30 lemai tadi, mansa agi bedau temu enggau operasyen SAR diketuka dulu enggau operasyen deka ditandu baru pagila,” ku iya lebuh ke dirandau pengarang berita, sehari tu tadi.

Pengari Operasyen Bomba ngelansa, kelimpah ari raban bomba, genturung pendiau mega bisi mantu bejalaika operasyen.

Berita tu deka ditandu kami (@beritaibanMY) nganti udah bulih penerang ti silik Opis ke megai tanggung pengawa.