UDAH TEMU: Orang tuai ke diripotka lemas
Cari Berita

Advertisement

UDAH TEMU: Orang tuai ke diripotka lemas

Frankie John™
April 7, 2019

KASIH AMAT: Raban bomba benung ngatung bangkai mansa sebedau nyuakka raban polis.

KAPIT: Siku orang tuai ke diripotka lenyau enggau dipechayaka lemas ba semak Rumah Achong Nanga Benin, Wong Pelagus, Batang Rajang kena Hari Lima, udah temu sehari tu tadi.

Nitihka penerang ke diterima kami (beritaibanMY), mansa diripotka labuh ke ai lebuh iya nyala ikan kediri ba Wong Pelagus.

Pengari Operasyen Bomba enggau Penyelamat Malaysia (JBPM) Sarawak, bangkai Bansa Judan (mansa), 65 taun, ditemu orang mayuh urung jam 10.20 pagi urung penyauh 500 meter ari endur mansa ke diripotka labuh.

"Seraban bomba berumban ngesah ke palan penusah ke nyadi ngambika ulih ngatung enggau mai bankai mansa ke wharf Kapit.

"Bangkai mansa disuaka ngagai raban polis urung jam 11.38 pagi ngambika ulih bejalaika pengawa silik agi," ku iya lebuh ke dirandau pengarang berita, sehari tu tadi.

Operasyen SAR diketuka urung jam 11.41 pagi.

Kemari raban beritaibanMY bisi mansutka bekaul enggau siku orang tuai dipechayaka lenyau enggau lemas pengudah labuh ke ai sungai nya.

Berita silik tau dibacha nuan ba [DITU]