Aku dipasung iya lebuh agi mabuk
Cari Berita

Advertisement

Aku dipasung iya lebuh agi mabuk

Chief Editor | Berita Iban MY
July 29, 2019

GRAPHIK PENGIAS: Siku lelaki benung bediri enda jauh ari katil.

MIRI: Siku pelajar kolej dipechayaka kena pasung siku lelaki ti sama serumah enggau iya di Desa Senadin, ditu, kena Hari Lima (19 July 2019).

Nitihka penerang ke diterima @beritaibanMY, pelajar kolej ti beumur 20-an ngaku diri dipasung siku lelaki (orang indon) ti sama bela nyuwa ba rumah nya.

Lelaki nya udah nyuwa ba rumah nya pengelama enam bulan.

Penusah nyadi dipechayaka urung jam 11 pagi nya, lelaki nya beambi ulih ba tubuh pelajar lebuh iya agi ngenatka pedis pala ketegal agi mabuk.

Pengudah nya, pelajar nya berasai enda nyamai isi enggau enda entu lantang ati.

Pelajar nya nanya ba lelaki nya nama utai ti nya lebuh iya agi mabuk.

Nangkan ke nya, lelaki nya pan ngaku diri udah masung pelajar nya maya iya agi enda nemu diri (mabuk).

Sapit Kepala Polis Miri, Superintenden Sabri Zainol madah, bisi nerima ripot bekaul enggau penusah ke nyadi kena Hari Lima (26 July 2019), tu tadi.

Kes nya agi dipansik ari baruh Seksyen 376 Kanun Keseksaan. Lelaki nya ulih kena ukum jil maksimum 20 taun enggau sipat enti ditukuka salah.