Iya nabanka duit aki aku..
Cari Berita

Advertisement


Iya nabanka duit aki aku..

Staf @beritaibanMY
July 29, 2019

SIBU: Graphik siku lelaki enggau siku indu (laki bini) 'viral' lemai kemari pengudah seduai iya dipechayaka enchuri duit ari siku aki tuai, 74 taun, ti kala ngasuh tauka minta tolong lelaki nya ngambi duit ngena kad bank.

Nitihka penerang ke diterima ari Azura Jimbun, ulah ti nadai adat tu tebantai lebuh aki tuai nya nguji ngambi duit bank tang enda ulih laban udah nadai duit ba dalam akaun kena tengah bulan tu tadi, 15 Julai 2019.

"Sebedau tu, aki kala nyuakka kad bank BSN iya ngagai lelaki nya laban aki ngasuh iya ngambi ba bank RM500 laban aki enda nemu ngena tauka ngenyakka mesin ATM," ku Azura lebuh ke dirandau pengarang berita @beritaibanMY lemai kemari.

"Lelaki nya amat udah ngambi duit RM500 ke aki aku..

"Pengudah lelaki nya nyuakka duit enggau kad bank ngagai aku. Nya mih pun kebuah penusah tu nyadi.

"Lelaki nya nukar kad bank aki aku enggau kad bank inek iya.

"Ari nya mih lelaki nya ulih ngambi duit aki aku. Orang ukai nemu utai tu tau nyadi. Tambah mega aki aku enda nemu lelaki nya bisi ngembuan ati ti chelum, ku iya.

"Nyau ka ambis lengis duit aki aku diambi lelaki nya. Urung penyampau RM4700 udah diambi iya enggau nadai bepadah ngagai aki aku.

"Keterubah iya ngambi ngena akaun aki aku ianya kena 26 June 2019 enggau berapa penyampau RM1000 enggau tiga kali iya ngambi nyampau nya mega.

"Udah ngambi duit nya, iya nurun ke Sibu enggau agi ga iya majak ngambi duit aki.

"Kepenudi sekali iya ngambi ianya kena 2 July 2019 sebedau seduai iya enggau bini iya mupuk ke Johor (3 July 2019).

"Berapa penyampau duit ti udah diambi iya tau dipeda nuan ba bank statement aku," ku iya.

"Aki aku bekeradai nyimpan duit.

"Kami ukai sengaja deka mansutka (viral) pekara tu ba media social laban kamu udah kala meri seduai iya awak ngambika ulih malas mayar duit nya.

"Tang seduai iya nyau agi ga ka ngemulaka kami. Seduai iya meri alamat rumah ti salah.

"Nya alai kami mansutka pekara tu ba media social," ku iya nusuika pekara nya enggau nyemetak agi.

BANK STATEMENT AKI AZURA: Semina tinggal RM14.01 aja.

Ku iya, ripot polis mega udah digaga ba Balai Polis Kapit ngambika polis ulih mansik kes tu.

Nuju sapa ke ngelala tau bepeda enggau dua iku melaki-bini tu tau betalipaun ngagai polis tauka ngaga ripot ngagai balai polis ke semak.

----------

Nitihka penerang ke diterima @beritaibanMY, diatu tadi, 30 July 2019, seduai dua melaki-bini nya agi bedau temu.