Iya ngachuk tumbung aku..
Cari Berita

Advertisement

Iya ngachuk tumbung aku..

Staf @beritaibanMY
July 25, 2019

SEPI ASAI NUAN: Nembiak lelaki nya udah mujur ditangkap polis.

SERIAN: Siku anak mit, 6 taun, rawan ati enggau ngenanka pemedis pengudah dipechayaka dipasung siku nembiak lelaki ti beumur 14 taun.

Ulah ti enda menuku ke digaga nembiak lelaki nya tebantai pengudah anak mit nya nusuika penusah ke nyadi ngagai indai iya, kemari.

Nitihka penerang ke diterima @beritaibanMY, penusah nyadi maya nembiak lelaki nya nganggauka anak mit nya tama ke rumah ti diuan iya urung jam 10 pagi.

Anak mit nya mega ngelala nembiak lelaki nya enggau nadai mayuh kelikuh anak mit nya pan lalu tama ke rumah nembiak lelaki nya.

"Nembiak lelaki nya masuk utai iya ke dalam tumnung anak mit nya enggau ngejungka anak mit nyerauh sereta ngetatka pemedis," ku penerang lebuh ke dirandau pengarang berita.

Nangkan ke nya, anak mit nya lalu dilekaka nembiak lelaki nya enggau pengudah nya anak mit nya madahka indai iya pedis ba tumbung.

Indai anak mit nya tekenyit enggau pekara ti udah nyadi enggau ngaga ripot ba Balai Polis (IPD) Pampang Serian.

Kepala Polis Pampang Serian, DSP Aswandy Anis, madahka raban iya bisi nerima ripot enggau nembiak lelaki nya udah ditangkap.

"Nembiak lelaki nya ditangkap ngambika ulih bejalaika pengawa mansik enggau asil pansik tumu, seduai duai tu (anak mit enggau nembiak lelaki nya) semina bekaban aja enggau ukai diri sebala.

"Kelimpah ari nya, nembiak lelaki, 14 taun, udah badu sekula," ku iya lebuh ke dirandau pengarang berita kemari.

Anak mit nya dianjung ke Sepital Besai Sarawak (HUS) ngambika ulih diperubatka enggau silik agi.

Kes dipansik ari baruh Seksyen 377A Kanun Keseksaan.