Siku indu ditemu parai ba dalam parit
Cari Berita

Advertisement

Siku indu ditemu parai ba dalam parit

Chief Editor | Berita Iban MY
July 28, 2019

KASIH AMAT: Bangkai indu nya ba dalam parit.

BINTULU: Siku indu, 44 taun, ditemu parai dipechayaka ketegal labuh ke dalam parit ti semak 'pangsapuri' ke baru di Jalai Bintulu-Sibu, sehari tu tadi.

Kepala Polis Pampang Bintulu, Superintenden Zulkipli Suhaili madahka, raban iya bisi nerima ripot urung jam 8.45 pagi tadi enggau lalu berumban ngesah ke penusah nyadi.

"Lebuh datai ba palan penusah nyadi, raban polis ngeripotka bisi siku indu ba dalam parit besar nya.

"Asil peresa raban paramedik ti bisi datai ngesah ke palan penusah ke nyadi madahka, indu nya udah enda ulih diselamatka agi tauka udah parai," ku iya lebuh ke dirandau pengarang berita, sehari tu tadi.

Ku iya, asil pansik silik, nadai bekau jamah tauka jenayah diripotka nyadi ba palan penusah ke nyadi.

Ku iya, bangkai indu nya udah dianjung Rumah Bangkai Sepital Bintulu kena bejalaika pengawa buntas tasat.

"Maya nya mega, raban polis minta orang mayuh tauka saksi ti bisi meda lebuh penusah ke nyadi datai sereta meri penerang ti silik ba Balai Polis ngambika muntang agi bejalaika pengawa mansik," tandu iya.

Kes nya ditukuka nyadi parai ngenyit (SDR).