Siku orang tuai bebadi nyawa, ngelantak dinding Sepital Kota Sentosa
Cari Berita

Advertisement

Siku orang tuai bebadi nyawa, ngelantak dinding Sepital Kota Sentosa

Chief Editor | Berita Iban MY
July 25, 2019

KEMPIK: Pendiau kerita ke ditepan Orang Tuai nya pengudah eksiden nyadi.

KUCHING: Siku lelaki Orang Tuai bebadi nyawa pengudah kerita ke ditepan iya ngelantak dinding Sepital Kota Sentosa, sehari tu tadi.

Pengari Operasyen Bomba enggau Penyelamat Malaysia (JBPM) Sarawak, madahka Orang Tuai nya dikelala ngena nama Goh Tai Lee, 76 taun enggau sebedau penusah nyadi Orang Tuai nya baru udah tembu berubat ba sepital nya.

"Nangkan ke nya, seraban bomba ari Balai Bomba enggau Penyelamat Batu Lintang, berumban ngesah ke palan penusah ke nyadi pengudah nerima ripot urung jam 1.21 tengah hari tadi.

"Lebuh datai ba palan penusah ke nyadi, raban bomba ngeripotka sebuah kereta ti ditepan siku lelaki Orang Tuai udah ngelantak dinding konkrit ba mua sepital nya.

"Orang Tuai nya diripotka balat bakal ba dalam tubuh enggau iya udah enda ulih diselamatka agi tauka udah nadai lebuh ke diperesa bala pemesai ba sepital nya," ku iya lebuh ke dirandau pengarang berita, sehari tu tadi.

Bangkai Orang tuai nya udah disuakka ngagai raban polis ngambika ulih bejalaika pengawa silik agi.