Siku pelajar sekula bebadi nyawa, belantak enggau kerita
Cari Berita

Advertisement

Siku pelajar sekula bebadi nyawa, belantak enggau kerita

Chief Editor | Berita Iban MY
July 26, 2019

KASIH AMAT: Bangkai pelajar nya benung gali telentang ba palan eksiden ke nyadi.

SARATOK: Siku pelajar Sekula Secondary (SMK) Kalaka Roban bebadi nyawa pengudah motosikal ke ditepan iya belantak enggau kerita di Kilometer 6, Jalai Roban-Kabong, tengah hari tadi.


Pelajar ke deriba motosikal dikelala ngena Felvin veroddex Jashper Fidie, 14 taun, diripotka ngapuska seput kepenudi ba palan eksiden ke nyadi, tang bakih ke numpang enggau serambau enggau iya diripotka balat bakal.

Kepala Polis Pampang Saratok, DSP Mordani Tanin, madahka eksiden dipechayaka nyadi urung jam 11.15 pagi lebuh seduai iya dirantau jalai pulai ari sekula.

"Asil pansik tumu, lebuh penusah nyadi seduai dua benung dirantau jalai mansang ari muak ke Roban enggau lebuh datai ba simpang Ulu Roban ba sepiak kanan, enggau enda memukai seduai iya lalu lanjur tama ke jalai ngelaban arus.

"Laban ke kelalu semak, deriba kerita ti datai ari jalai ke ngelaban arus enda sempat nyeliahka motosikal seduai iya enggau ngejungka seduai iya ngelantak luan kerita nya," ku iya.

Bangkai pelajar nya dianjung ke Sepital Saratok kena bejalaika pengawa buntas tasat.

Kes nya agi dipansik ari baruh 'Seksyen 41(1) Akta Pengangkutan Jalan  (APJ) 1987.'