Tiga lelaki ditan polis, ranchak nyabung manuk
Cari Berita

Advertisement

Tiga lelaki ditan polis, ranchak nyabung manuk

Chief Editor | Berita Iban MY
July 23, 2019

ENDA SEMPAT DISABUNG: Siku ari graphik manuk ti mujur ditan ke raban polis, lemai kemari.

LIMBANG: Tiga lelaki ditan polis lebuh benung ranchak nyabung manuk ba sebuah ladang sawit di Jalai Makasing, Medamit, ditu, lemai kemari.

Berindik ari pansik enggau ripot ke diterima, seraban polis ari Opis Tasat Jenayah (IPD) Pampang Limbang ngaga abis ngenyit urung jam 4 lemai kemari.

Ketua Polis Pampang Limbang, Superintenden Abang Zainal Abidin Abang Ahmad, madahka semua lelaki ke ditangkap nya beumur 39 nyentuk 75 taun.

"Asil peresa ba palan nya, bisi langkau digaga sida iya endur bejudi enggau nyabung manuk," ku iya lebuh ke dirandau pengarang berita sehari tu tadi.

Ku iya, raban polis udah mujur ngetan 24 ekor manuk sabung agi idup, siku bangkai manuk enggau mayuh macham perengka guna ke dikena sida iya nyabung manuk ba palan nya.

Kes tu dipansik ari baruh Seksyen 3 (1) Pencegahan Kekejaman Terhadap Haiwan 1962.