Aku enda sempat nyelamatka anak aku empu..
Cari Berita

Advertisement

Aku enda sempat nyelamatka anak aku empu..

Chief Editor | Berita Iban MY
August 27, 2019

GRAPHIK PENGIAS: Siku anembiak mit benung ba ai enggau mantaika jari sepiak kanan iya.

SIBU: Siku anak mit indu diripotka lenyau Hari Minggu pengudah mandi ba Sungai Rajang, ditemu parai lemas, malam tadi (Hari Satu).

Pengari Operasyen Bomba enggau Penyelamat Malaysia (JBPM) Sarawak, madahka bangkai Julia Purnama (anak mit ke lemas nya), orang Indon, 7 taun, ditemu apai iya, Opriadi Sukardi, urung jam 10.30 malam tadi.

"Apai iya tetemuka Julia urung penyauh 100 kaki ari endur iya ke diripotka lenyau.

"Raban bomba berumban ngesah ke palan penusah ke nyadi pengudah nerima ripot ari apai iya (Opriadi).

KASIH AMAT: Bangkai Julia disuakka ngagai raban polis sebedau dianjung ke Sepital Sibu.

" Bangkai Julia pengudah nya disuakka ngagai raban polis urung jam 12.30 ngambika ulih bejalaika pengawa mansik," ku iya.

Sebedau penusah nyadi, kena Hari Minggu, Julia nitihka apai iya enggau dua iku betunggal iya, Alit Aiman, 10 taun enggau Mohamad Azrul Ashraf, 7 taun, belandak ba sebelah jelatung.

Pengudah nya, Julia enggau Alit sama bela mandi ba sungai sebedau Mohamad meda Alit meri tanda minta tolong.

Nangkan ke nya, Opriadi alu berumban nyelamatka iya enggau lengkas.

Alit mujur diselamatka, tang Opriadi enda sempat nyelamatka anak iya (Julia) enggau ngejungka Julia alu lenyau tauka tenggelam ke dalam sungai nya.