Bula! Cherita nya semina digaga aja..
Cari Berita

Advertisement

Bula! Cherita nya semina digaga aja..

Chief Editor | Berita Iban MY
August 25, 2019

TENAKO-NAKO: Graphik enggau artikel ke dipansutka apai anak mit indu nya lemai tadi (kiba) enggau Sapit Kepala Polis Sarawak, Datuk Dev Kumar (kanan).

KUCHING: Siku anembiak mit indu enggau ibuk biak iya diripotka ditabanka dua iku lelaki enda dikelala ngena sebuah van chura burak ba simpang Kopodim, Jalai FAC di Matang, sehari tu tadi enda amat.

Kebatang endar, seduai iya dipechayaka lari ari rumah.

Sapit Kepala Polis Sarawak, Datuk Dev Kumar, madahka kes nya enda amat.

"Ripot ke digaga bekait siku anembiak mit indu enggau ibuk biak iya enda amat. Nadai van chura burak tauka lelaki ngena topeng. Cherita nya semina digaga aja.

"Polis mega pechaya ripot polis ke digaga orang ke ngeripot nya enda amat tauka pelesu. Kami bisi kebuah pechayaka dua iku anembiak nya udah ngelarika diri ari rumah," ku iya lebuh ke dirandau pengarang berita, diatu tadi.

Sebedau tu, raban kami mega bisi ngemansutka berita bekait enggau dua iku anembiak tu:

BERITA KE DIPANSUTKA KAMI TADI: Facebook pages "Berita Iban Online"

INSTAGRAM: @beritaibanMY 

Tau dibacha nuan ba ditu: https://www.beritaiban.com/2019/08/nulung-aku-ngiga-anak-aku.html

Apai anembiak indu nya mega udah minta ampun ngagai orang mayuh bekaul enggau menyadi iya ngaga ripot polis pelesu lemai tu tadi.

Apai anembiak indu nya mega meri terima kasih ngagai semua peranak menua Sarawak enggau raban polis laban udah besaup ngiga anak indu iya nya.

Apai anembiak indu nya minta ampun enggau meri terima kasih.