Dipechayaka masung anak indu iya empu
Cari Berita

Advertisement

Dipechayaka masung anak indu iya empu

Chief Editor | Berita Iban MY
August 21, 2019

SEPI ASAI NUAN: Saspek (tengah) ke dipechayaka masung anak indu iya mujur ditangkap polis 

KUCHING: Siku lelaki (apai orang) dipechayaka masung anak indu iya mujur ditangkap polis ba sebuah rumah di Kampung Selang Ulu, ditu, kemari.

Kepala Polis Pampang Padawan, Superintenden Aidil Bolhassan, madahka lelaki nya (saspek), 32 taun mujur ditangkap urung jam 7.30 malam lebuh raban polis bejalaika operasyen ngiga lelaki nya.

Raban polis bejalaika operasyen ngiga lelaki nya pengudah nerima ripot ke digaga siku indu (bini saspek).

Ku Aidil, lelaki nya diripotka udah suah ngachau tauka negu anak indu iya ti beumur 8 taun nya.

"Lelaki nya mega kala ngansalka utai pemalu iya ba punggung anak indu iya nya.

"Ukai nya aja, kena Hari Satu tu tadi, lelaki nya kempang ati ngansalka utai pemalu iya ba utai pemalu anak indu iya nya.

"Asil pansik tumu, lelaki nya ngaku kala tinduk enggau anak iya nya.

"Lelaki nya mega ngaku bisi ngansalka utai pemalu iya ba anak indu iya nya.

"Tang taja pia, iya enda ngaku nguji masung anak indu iya nya," ku iya lebuh ke dirandau pengarang berita sehari tu tadi.

Anak mit ke napi penusah nya siku ari pelajar sekula primari dua di Matang udah dianjung peresa ba Sepital Besai Sarawak.

Kes nya agi dipansik ari baruh Seksyen 14 (d) Akta Kesalahan-Kesalahan Seksual Terhadap Kanak-Kanak 2017.