Indu tu ngutang duit RM12,000 ba kami..
Cari Berita

Advertisement

Indu tu ngutang duit RM12,000 ba kami..

Chief Editor | Berita Iban MY
August 26, 2019

NGELALA INDU TU KITA: Graphik indu kutu (tengah), tingki iya (kiba) enggau penerang orang ti ngeripotka ngagai raban kami.

KUCHING: Graphik siku indu (indai kutu) viral ba media sosial pengudah iya dipechayaka ngutang bala ke sama udah ngerejista diri enggau main kutu.

Nitihka penerang ke diterima kami, indu nya dikelala ngena nama Linda Anak Ricky, 23 taun, orang ari Undop, Sri Aman.

Siku ari raban kami nguji betanya ba siku indu ke dikelala ngena nama Bibiana, siku ari orang ke kena utang tauka kemula indu kutu nya.

Ku Bibiana, sebedau tu Linda salah siku ari orang ti bejual keresa tauka bedagang ba media sosial enggau iya mega endang ulih dipechayaka nyadi indai kutu.

"Semua keresa ke di beli tauka diorder kami datai magang.

"Penusah nyadi bepun ari iya nyau majak muka main kutu bayar tekala nya (cash).

"Semua main kutu, bisi nama iya enggau orang main tang lebuh datai ba mayar iya patut bebayarka duit orang ke sama main kutu nya. Iya enda ulih mayar..

"Ari RM100 nyentukka RM300 duit kutu ti enda ulih dibayar iya. Kelimpah ari nya bisi siku orang madahka diri RM3000 enda dibayar iya. Orang nya udah mayar rega keresa tang keresa nya lalu nadai datai," ku iya lebuh ke dirandau pengarang berita Berita Iban Online, sehari tu tadi.

"Nyau enda tan ati nganti kelalu lama, orang ke enggau main kutu nya pan minta iya mulaika rega keresa ke udah dibayar ngagai iya.

"Linda bisi madah deka ngemulaika duit rega keresa ke udah dibayar sida iya tang sesen pan nadai tama dalam akaun bank kami," ku Bibiana madahka diri laban alu bedau nerima duit iya pulai.

"Pengudah nya, Linda pan nganti lumur talipaun binching enggau nyau mayuh kelikuh madahka talipaun binching jaie aja-aja.

"Ukai aku aja ngemansutka artikel bekait enggau indu kutu nya (Linda) ba facebook:

VIRAL: Artikel ke dipansutka Bibiana bekait enggau indu kutu nya.

"Ukai aku aja aku aja mansutka pekara tu. Kami bisi siti group kena nagih utang. Semua utang ti bedau dibalas Linda urung penyampau RM12,000," tandu iya.

Asil pansik silik raban kami ba media sosial, agi mayuh orang bukai ti kena kelakar tauka endur iya beambi ulih.

Kami mega bisi nerima screenshot randau orang ti udah dikelakar Linda, tau dipeda nuan dibaruh tu:









Raban kami mega mujur bulih randau screenshot sekeda ari randau orang ke napi penusah ke sama enggau Bibiana:






Sinu ga ati raban kami ngenang nasib ke ditapi bala ke udah dikelakar tauka diutang indai kutu tu. 

Ngarapka Linda ulih ngemutarka pekara tu enggau chara ti manah enggau naka pengelengkas laban engka bisi bala ke enggau main kutu tu begunaka duit baka jam ke diatu.

Kati ku buah runding kita ba kes tauka pekara tu?. Tau meri buah runding kita ba kutak komen dibaruh artikel tu.