Siku pelajar medic, lemas ba sungai di Kampung Praya, Jalai Padawan
Cari Berita

Advertisement

Siku pelajar medic, lemas ba sungai di Kampung Praya, Jalai Padawan

Chief Editor | Berita Iban MY
August 26, 2019

GRAPHIK PENGIAS: Siku lelaki benung lemas ba ai sungai.

KUCHING: Siku pelajar medic ti deka ambis sekula taun tu diripotka lemas lebuh mandi ba sungai di Kampung Praya, Jalai Padawan, lemai kemari (Hari Minggu).

Kepala Polis Pampang Padawan, Superintenden Aidil Bolhassan, madahka pelajar ke lemas nya dikelala ngena nama Alexander Nanang, 22 taun, orang ari Saratok.

Penusah nyadi dipechayaka urung jam 5.40 lemai nya, pengudah raban penyelamat, 38 taun, orang ke nyaga dia nerima ripot ari siku saksi madahka ke iya bisi empat iku orang agi bisi mandi ba sungai nya.

"Salah siku entara sida iya udah lemas enggau tenggelam ke dalam air sungai nya.

"Nangkan ke nya, raban penyelamat nya lalu terejun enggau nyelam ke sungai nya ngambika ulih nyelamatka pelajar nya," ku iya lebuh ke dirandau pengarang berita, sehari tu tadi.

Ku Aidil, pengudah nya orang ke ngeripot nya lalu berumban nganggauka ambulans Sepital Besai Sarawak (HUS) ngambika ulih ngubat iya sebedau pelajar nya diripotka raban paramedik udah nadai tauka enda ulih diselamatka agi.

Ku iya, bangkai pelajar nya udah dianjung ke  Sepital Besai Sarawak (HUS) kena bejalaika pengawa buntas tasat.

"Bangkai pelajar nya diatu agi diengkah ba rumah bangkai  Sepital Besai Sarawak (HUS) serayaka nganti official ripot ari apai enggau indai pelajar nya," tandu iya.