Uji tulis, macha jaku pesan ke bebatang baka tu..
Cari Berita

Advertisement

Uji tulis, macha jaku pesan ke bebatang baka tu..

Chief Editor | Berita Iban MY
August 30, 2019

GRAPHIK PENGIAS: Siku indu benung betalipaun. 📸 @tio.com.au

SOSIAL MEDIA: Pagi kemari (Hari Empat), siku ari raban kami bisi tebachaka artikel tauka status ke dipansutka siku lelaki bekaul enggau jaku pesan ke bebatang.

Status nya dipansutka Johnny Chuat, ba Facebook ke dijaga iya, urung jam 8.40 pagi kemari.

Ba status nya, iya mega bisi bekunsi chara tauka chunto bakani deka nulis tulis enggau macha jaku pesan ba radio.


"Uji baka tu nulis lalu macha jaku pesan pemati ba radio, enda pedis pala bala jijay!!

"Orang ke ninga pan enda nyida, laban berurun, enda nyebut semua TR, enda mesanka YB," ku Johnny.

Ba status ke sama, urung penyampau lebih 200 iku orang ke macha status nyukung (likes), 16 iku nyadung (share) enggau bisi beberapa iku orang ke meri komen mega.

Bisi siku lelaki ke dikelala ngena nama Kuien Alex, bisi nimbal tauka meri buah runding ke manah mega ba komen status Johhny:

"Manah serta nyamai didinga enti pesan ditusun berurun bakanya..

"Enda ibuh besebutka sida YB menteri ke ulih dikanggau ngena talipaun, enda ibuh besebutka semua kaban belayan sampai abis menua Sarawak tu alai bekumbai madah..

"Pesan ke bebatang semina dituju ngagai kaban belayan ke nadai ulih dikanggau ngena talipaun, lalu mesti enggau naka pemandak, isi berita iya ke beguna amat.

"Lelak ninga sida sesanu ari Betong enggau sesanu ari Saratok, 5 minit abis kena macha jaku pesan sida iya aja.

"Nadai deka ngampit ke orang awak dalam radio.." ku Kuien Alex nimbal ba komen status Johnny nya.

Nangkan ke nya, Naung Biju mega bisi nimbal:

"Enforce enggau RTM bro.. 'This is the new study format' kena bepesan pemati.. Baka borang 'permohonan' bukai mah.." ku Naong.

Raban kami nyukung buah runding ke dipansutka Johnny Chuat nya 100% laban chara ke dipadahka iya nya bisi stindit, nyementak, enda lama macha, terang enggau nyamai didinga semua orang ke bisi ninga radio.

Kelimpah ari nya, kitai pan sama nemu mayuh orang bukai mega deka nganjung pesan berat tauka bebatang ba jam enggau hari ke sama.

Enti jaku pesan nya kelalu panjai, nyau enda chukup ga jam endur DJ tauka orang bukai ke mansutka jaku pesan sida iya.

Kati ku runding kita bala pemacha ba sentang pekara tu?. 

Enti nyema nuan nyukung chara tu, tau sadung artikel tu ngagai bala kaban belayan ke dikelala kita ngambika sida ulih nunda chara tauka format ke udah digaga Johnny tu.

Enti nuan bisi buah runding ke manah agi bekaul enggau pekara tu, tau dipejuraika ba komen dibaruh artikel tu.