Ketegal enchuri 'vape', 2 pelajar secondari mujur ditan polis
Cari Berita

Advertisement

Ketegal enchuri 'vape', 2 pelajar secondari mujur ditan polis

Chief Editor | Berita Iban MY
September 1, 2019

SEPI ASAI NUAN: Berita ke dipansutka raban kami bekaul enggau kes nyamah siku pelajar sekula, kemari

KUCHING: Dua pelajar secondari dipechayaka bekait enggau kes nyamah siku pelajar lelaki ditan polis, kemari.

Maklumat awal menerusi video insiden kes sekumpulan remaja yang menyerang seorang pelajar di dalam sebuah video viral di laman media sosial baru-baru ini kini sedang dalam siasatan.

Kepala Polis Pampang Kuching, Asisten Komisioner Awang Din Awang Din Awang Gani, madahka enam saspek dipechayaka nyamah siku pelajar lelaki (victim) kena Hari Dua (27 Ogos) ba belakang hotel di Jalai McDougallenam.

Ku iya, dua iku ari saspek udah mujur ditan tang raban polis diatu agi ngiga empat iku saspek ke dipechayaka bekait enggau kes nya.

"Semua iya tujuh iku nyengkaum pelajar (victim) ke kena jamah nya beumur entara 14 nyentuk 16 taun sama bela belajar ba sebuah sekula ti tebilang di Kuching.

"Aku ngarapka saspek nyerah diri enggau naka pengelengkas, sapa ke ngelala empat iku saspek nya tau madahka sida iya tauka meri penerang ngagai raban polis," ku iya lebuh ke dirandau pengarang berita.

Ku iya, pelajar ke kena jamah, 14 taun, kembai ba mua, pala enggau tubuh iya.

Asil pansik tumu, penusah nyadi bepun ari saspek nganu pelajar lelaki nya ke dipechayaka enchuri insap elektronik (vape) ke diempu salah siku ari saspek.

Saspek dulu nyerang pelajar lelaki nya tang bala kebukai rerauh nyadi batu api ngambika iya balat agi ringat enggau nyamah pelajar nya udu agi.

"Video nya dirikod salah siku ari saspek enggau dipansutka iya ba media sosial," tandu iya.

Awang mega bisi mekat bala apai indai ngambika merati tauka nyaga bala anak sida iya ke agi besekula ngambika enda bekait enggau isu tauka kes disiplin.

Kes nya agi dipansik ari baruh Seksyen 148 Kanun Keseksaan laban udah nyamah tauka menyati pelajar lelaki nya.