Mimpi patah kukut kekilai ngayuka diri dituntung penusah rumah abis diempa api..
Cari Berita

Advertisement

Mimpi patah kukut kekilai ngayuka diri dituntung penusah rumah abis diempa api..

Chief Editor | Berita Iban MY
September 15, 2019

KASIH AMAT: Status Facebook Cha Joannet enggau pendiau rumah panjai ke diuan sida iya pengudah penusah karam di darat nyadi.

Bekeberai ai mata labuh meda rumah panjai, bakatu aja ke agi bedau 😭 naka penyinu meda reta tengkira abis tenggelam bai karam di darat.

Mimpi patah kukut kekilai ngayuka diri dituntung penusah rumah abis dijilat api.

Tu meh penusah ke pemadu besai nuntung kami sebilik enggau diri serumah panjai.

Tu meh diayu ke mimpi bangat jangka...

Dikumbai mimpi igau, tang mimpi nyata nyeruga.. 😭

Pia ku munyi sebana ati siku indu ke dikelala ngena nama Cha Joannet, nulis ba status Facebook enggau mantaika pica pendiau rumah panjai ke diuan sida iya pengudah penusah karam didarat nyadi..

KASIH AMAT: Status ke ditulis Cha Joannet.

Nitihka penerang ke diterima Berita Iban Online, siku lelaki dipechayaka nyayat rekung diri empu pengudah iya nuang minyak binjin enggau ngidupka api tauka nunu sebuah rumah panjai di Mukah, kemari.

Rumah panjai ke ditunu lelaki nya (suspek), 31 taun, dikelala ngena nama Rumah Tingang Ajang, Sungai Sebakong.

Kepala Polis Pampang Mukah, DSP Jimmy Panyau, madah sebedau penusah nyadi, bini suspek bisi meda suspek nuangka minyak binjin ba dalam bilik ke diuan seduai iya enggau ngidupka api di rumah panjai nya.

"Pengudah nya, suspek alu pansut ngelarika diri nuju ke babas semak endur rumah nya," ku iya.

"Asil pansik tumu enggau pengudah raban polis bejalaika pengawa tanya tasat, sebedau penusah nyadi bini suspek madahka seduai iya nadai belaya tauka penanggul ba dalam rumah tangga," ku Jimmy lebuh dirandau pengarang berita.

TENAKO-NAKO: Suspek ke dipechayaka nunu rumah panjai nya.

"Suspek ke telih ba rekung nya udah dianjung berubat ke Sepital Sibu.

Berebak enggau nya, Kepala Balai Bomba (BBP) Mukah, PPgB Azman Hanapis, madahka rumah panjai lima pintu ke diuan 36 orang nya diripot angus urung jam 11.56 malam, kemari.

Azman ke mega komander bejalaika operasyen madamka api ba palan penusah ke nyadi nya madahka nadai orang bakal tauka penusah bebadi nyawa diripot nyadi ba palan penusah angus ke nyadi.

"Operasyen madamka api ba palan nya tembu urung jam 2.30 pagi, kemari.

Kes nya dipansik ari baruh Seksyen 436 Kanun Keseksaan dan Seksyen 309 Kanun Keseksaan.