Orang tuai tu masung chapi tupi aku..
Cari Berita

Advertisement

Orang tuai tu masung chapi tupi aku..

Chief Editor | Berita Iban MY
September 5, 2019

TENAKO-NAKO: Amat raya penganji nuan tu!

THAILAND: Siku orang tuai ditan polis pengudah dipechayaka masung siku chapi chelum ba dalam babas, lemai 30 Ogos 2019.

Nitihka penerang Thai Rath Online, orang tuai nya dikelala ngena nama Kong, lelaki, 68 taun, orang ari Thailand, ngaga diri ngumpul lauk babas sebedau ditangkap orang ke ngempu chapi enggau beberapa genturung pendiau ke semak.

Pengari polis ari Balai Polis Hat Yai, madahka seraban polis lalu berumban ngesah ke palan penusah ke nyadi nerima ripot bekait enggau siku orang tuai masung chapi nya ngambika ulih bejalaika pengawa mansik.

Ku pengari polis, penusah dipechayaka nya urung jam 2 lemai, 30 Ogos 2019, maya nya mega orang ke ngempu chapi enggau beberapa genturung pendiau ke semak tetemuka Kong agi telanjai enggau dipechayaka baru udah tembu masung chapi ti beumur 2 taun nya.

"Iya paking tauka ninggalka entuka iya ba tisi jalai urung penyauh 100 meter ari palan penusah ke nyadi.

"Raban polis lalu mai Kong ke balai polis laban deka bejalaika pengawa nasat enggau irauka iya kena jamah genturung pendiau ke semak dia.

Lebuh polis bejalaika pengawa tanya tasat, Kong semina tuchum enggau ngaku udah masung chapi nya.

Kelimpah ari nya, Iya mega madahka diri udah kala masung chapi nya dua sebedau tu tang enda temu orang.

Asil pansik silik raban polis, Kong madah kebuah iya ngereja ulah ti enda menuku nya pengudah meda bakih iya kala ngereja ulah ke sama.

"Bakih aku madah nyamai.. Nya alai aku ka nguji," ku Kong nyaut raban polis.

"Nangkan ke nya, Kong pan mansang semak chapi ke benung makai rumput nya enggau nanchang chapi nya ba pun kayu ngambika enda lari.

Ku orang ke ngempu chapi nya, Kong ditangkap genturung pendiau ke semak kaki Kong bisi bekau ai c*nat enggau bisi mega bekau ai ke sama ba chapi aku. Kira ke ke udah tembu meh iya ngereja ulah ti enda menuku nya!

Orang ke ngempu chapi nya madah, sebedau tu aku suah mega nerima ripot ari genturung pendiau ke semak dia madahka chapi aku endang endur kong ngereja ulah ti enda menuku nya.

Lebuh Kong ke ditangkap genturung pendiau ke semak dia, Kong endang nadai bekena gari tauka telanjai.

Iya alu ngaga diri deka ngiga lauk babas ba palan penusah ke nyadi pengudah ulah ke digaga iya tebantai.

Nitihka penerang ke diterima Berita Iban Online, Kong semina diukum mata duit 300 Baht (urung penyampau RM40) enggau dilepaska raban polis.

TENAKO-NAKO! Tu baru amat kanji! Kati ku runding kita ba sentang pekara tauka kes tu?