Sebuah rumah panjai di Belawai, angus lengis diempa api
Cari Berita

Advertisement

Sebuah rumah panjai di Belawai, angus lengis diempa api

Chief Editor | Berita Iban MY
September 2, 2019

KASIH AMAT: Pendiau ba palan eksiden ke nyadi.

MUKAH: Sebuah rumah panjai TR Noh, pemanjai tujuh pintu di Kampung Stalon di Belawai, angus lengis diempa api, diatu tadi.

Pengari Operasyen Bomba enggau Penyelamat Sarawak, urung penyampau tujuh raban bomba ari Balai Bomba Tanjung Manis berumban ngesah ke palan penusah ke nyadi.

"Raban bomba bisi nerima ripot bekaul enggau penusah ke nyadi urung jam 8.06 malam, diatu tadi.

"Asil pansik tumu ari orang ke ngaga ripot, rumah panjai tujuh pintu nya udah angus lengis diempa api," ku iya lebuh ke dirandau pengarang berita, sehari tu tadi.

"Naka kediatu, penyampau orang ke nguan rumah panjai nya apin temu enggau nadai orang bakal tauka bebadi diripotka nyadi ba palan penusah ke nyadi nya.

Kebuah penusah angus nyadi enggau penyampau pengerugi agi dipansik.