Siku indu parai, ketup laki iya
Cari Berita

Advertisement

Siku indu parai, ketup laki iya

Chief Editor | Berita Iban MY
September 4, 2019

KASIH AMAT: Raban polis benung bejalaika pengawa mansik.

JAKARTA: Siku indu parai pengudah rekung iya kena ketup laki iya lalu ngejungka bedarah lebuh seduai iya belaya di Desa Tobua, Kolaka, Sulawesi Tenggara.

Nitihka penerang ke diterima @beritaibanMY, penusah dipechayaka nyadi Hari Satu tu tadi, indu ke kena ketup nya dikelala ngena nama, Kasmawati, 36 taun, diripotka parai ketegal mayuh darah pansut pengudah rekung iya diketup laki iya empu (saspek).

Lebuh penusah nyadi, Kasmawati diripotka bisi saru penemu enggau laki iya, Jumardi, lalu ngejungka iya belaya.

Ku iya, enda memukai Jumardi ngetup rekung Kasmawati nyentukka bedarah sebedau laki iya (Jumardi) ngelarika diri ari palan penusah ke nyadi.

Orang ke berimbai rumah enggau iya bisi ninga munyi nyawa Kasmawati minta tolong lalu berumban ngesah ke palan penusah ke nyadi enggau nganjung Kasmawati ke klinik semak tang iya udah enda ulih diselamatka agi tauka udah parai.

Jumardi enda lama pengudah nya mujur ditangkap polis lebuh iya benung belalai ba babas enda jauh ari rumah iya.