Siku lelaki parai begitang, bisi kachau 'utai'
Cari Berita

Advertisement

Siku lelaki parai begitang, bisi kachau 'utai'

Chief Editor | Berita Iban MY
September 9, 2019

KASIH AMAT: Bangkai lelaki nya benung gali ba pangal enggau dilamun ngena kain chura bebungai.

KUCHING: Siku lelaki dipechayaka bisi kachau 'utai' ditemu indai iya parai begitang ba dalam rumah ke diuan sida iya di Kampung Suba Bandar, Bau, kemari.

Bangkai lelaki nya, 20 taun, ditemu indai iya ba tingkat atas rumah sida iya.

Ku indai lelaki nya, iya (victim) bisi penanggul pelajar (slow learner) kenyau ari iya ada suba.

"Nyadi, aku lelaki aku nya ditukuka 'special kids' enggau iya mega belajar ba 'special class'.

"Lemai ensana, aku meda pendiau anak aku nya agi baka selama tauka nadai nenama.

"Sebedau tu, aku kala nganjung anak aku berubat ngena chara lama enggau besembiangka meda iya nyelaie pendiau tauka dipechayaka kena kachau 'utai' ke enda dipeda (antu)," ku iya lebuh ke dirandau pengarang berita, sehari tu tadi.

Naka kediatu, kebuah lelaki nya parai ditukuka parai munuh diri.

Tang taja pia, raban polis agi bejalaika pengawa mansik bekait enggau kes tu.