17 December 2019 - Hari Dua ba Minggu Ketiga Musim Penatai (Adven) -->
Cari Berita

Advertisement

17 December 2019 - Hari Dua ba Minggu Ketiga Musim Penatai (Adven)

Admin | beritaiban@gmail.com
December 17, 2019

Aram sama besampi ngagai Tuhan kitai ngambika iya ninga utai ti disebut kitai. Tuhan merekat semua ๐Ÿ˜‡

Bacha Ke Satu: Pemungkal 49: 2, 8 - 10

Jakop mesanka bala anak iya, lalu bejaku:

“Begempuru ditu, lalu pendingka aku, kita anak Jakop.

Dingaka apai kita Israel.

“Judah, menyadi nuan deka muji nuan.

Nuan deka nyekal rekung munsuh nuan.

Bala menyadi nuan deka meremi ngagai nuan.

Judah baka singa, ti munuh utai ti deka diempa iya, lalu pulai baru ngagai lubang iya, ngeliat lalu gali.

orang berani ngachau iya.

Judah deka megai tungkat ti diraja, lalu peturun iya deka seruran merintah.

Semua bansa deka mai chukai sida ngagai iya lalu meremi di mua iya, laban sida ngasika iya.”

Masmur Entara: Masmur 72: 1 - 2, 3 - 4AB, 7 - 8, 17

Saut (cf. 7): Awakka pengelurus ngerembai ngagai semua endur lebuh maya iya, lalu awakka pemaik tan belama iya.

Ke Satu
Ajar raja ngambika iya ngakim ngena pengelurus Nuan, O Allah Taala.
Bagi ngagai iya atur Nuan ti lurus, ngambika iya megai bala nembiak Nuan enggau pengelurus lalu merintah orang ke seranta ngena atur ti lurus.

Saut: Awakka pengelurus ngerembai ngagai semua endur lebuh maya iya, lalu awakka pemaik tan belama iya.

Ke Dua
Awakka menua kami nyadi kaya-raja.
Awakka menua kami ngasaika pengelurus.
Awakka raja ngakim orang ke seranta ngena ati ti betul.
Awakka iya nulung orang ke suntuk.

Saut: Awakka pengelurus ngerembai ngagai semua endur lebuh maya iya, lalu awakka pemaik tan belama iya.

Ke Tiga
Awakka pengelurus ngerembai ngagai semua endur seumur raja, lalu awakka pengaya tan, seagi bulan meri penampak.
Perintah iya deka ngerembai ari tasik siti ngagai tasik siti, ari Eupratis di serata dunya.

Saut: Awakka pengelurus ngerembai ngagai semua endur lebuh maya iya, lalu awakka pemaik tan belama iya.

Ke Empat
Awakka nama raja seruran dikingatka.
Awakka penampak nama iya meruan baka mata hari.
Awakka semua bansa minta Allah Taala merekatka sida baka Iya ti udah merekatka raja.

Saut: Awakka pengelurus ngerembai ngagai semua endur lebuh maya iya, lalu awakka pemaik tan belama iya.

Alleluia
Alleluia, alleluia
O Penemu Dalam Allah Taala kami ti Pemadu Tinggi,
ti ngiring semua utai ti digaga Iya ngena kuasa enggau pengerindu:
datai lalu ajar kami jalai penemu.
Alleluia.

Bacha Injil: Matthew 1: 1 - 17

Tu tusut pasal Jesus Kristus, ke peturun David, ke peturun Abraham.

Baka tu ku ripih nama aki ini Iya berengkah ari Abraham nyentuk ngagai Raja David: Abraham, Isak, Jakop, Judah enggau sida menyadi lelaki iya; udah nya Peres enggau Serah (indai seduai iya Tamar), Hesron, Ram, Aminadap, Nason, Salmon, Boas (indai iya Rahap), Obet (indai iya Rut), Jesi enggau Raja David.

Ari David nyentuk ngagai maya orang Israel dibuai ngagai menua Babilon, baka tu ku ripih nama aki ini Iya: David, Solomon (indai iya udah nyadi bini Uriah), Reheboam, Abijah, Asa, Jehosapat, Joram, Usiah, Jotam, Ahas, Hesekiah, Manasi, Amon, Josiah, enggau Jehoiakin enggau bala menyadi iya.

Ari maya sida dibuai ngagai menua Babilon nyentuk ngagai pengada Jesus, baka tu ku ripih nama aki ini Iya: Jehoiakin, Sealtiel, Serubabel, Abiut, Eliakim, Asor, Sadok, Akim, Eliut, Eleasar, Matan, Jakop, enggau Josep, ke jadi enggau Maria, indai Jesus ke dikumbai Kristus.

Nya alai, ari Abraham nyentuk ngagai David, empat belas serak; ari David ngagai maya orang Israel dibuai ngagai menua Babilon, empat belas serak, lalu ari maya nya ngagai pengada Kristus, empat belas serak.