Mimit agi da agi nyauka angus lengis..
Cari Berita

Advertisement

Mimit agi da agi nyauka angus lengis..

Admin | beritaiban@gmail.com
December 14, 2019

KASIH AMAT: Raban bomba benung bejalaika operasyen ba palan penusah angus ke nyadi.

SIBU: Sebuah rumah panjai, 12 pintu, mimit da agi ka angus lengis diempa api lebuh penusah angus nyadi ba Rumah Julau di Jalai Pasai Siong, ditu, sehari tu tadi.

Pengari Operasyen Bomba (JBPM) Sarawak madah, raban sida iya bisi nerima kanggau (emergency call) bekaul enggau penusah angus ke nyadi, urung jam 10:52 pagi tadi.

Nangkan ke nya, seraban raban bomba berumbam ngesah ke palan penusah angus nyadi ngambika ulih bejalaika operasyen madamka api.

"Lebuh datai ba palan penusah angus ke nyadi, ketuai operasyen madahka api udah nyelarai tauka nganguska sepuluh buah bilik enggau sida iya semina ulih nagang api nya majak nyelarai asuh dua buah bilik agi tauka endur kebukai," ku iya lebuh dirandau pengarang berita sehari tu tadi.

Nitihka penerang ke diterima beritaiban.com, urung penyampau 70 iku orang ke nguan rumah panjai nya.

Puji Tuhan! Nadai penusah enda disadang nyadi ba palan penusah angus ke nyadi.

Kebuah penusah angus nyadi enggau penyampau reta tengkira ti udah angus diempa agi dipansik.