Jaku pesan ngetas ulit niang Donald Ak Mabong -->
Cari Berita

Advertisement

Jaku pesan ngetas ulit niang Donald Ak Mabong

Admin | beritaiban@gmail.com
March 25, 2020

Haribulan ngetas ulit niang Donald deka diinsur baru nganti udah nadai agi Atur Mindah Besekat (PKP)

Selamat pagi bala menyadi semua, raban kami bisi nerima jaku pesan ngetas ulit ari Nancy Anak Uga tauka Indai Awa.

Pesan ngetas ulit tu dituju ke ngagai Angeline Jantang Anak Mabong, Rejemah Anak Meringai di Miri, kaban belayan di Miri, Bukit Song, Bintulu, Bekenu, Sri Mas, Peninjau, Arip, Kemena, Pelugau, Ulu Balingian, Setepus, Sungai Arang, Sepudun, Sepiring, Sungai Buluh, Sebaya, Sungai Anus, Selangau, Batang Mukah, Jalai Mukah, Bayan Tasik, Bakong, Tamin, Duat, Kua, Batang Oya, Stapang, Batang Pakoh, Poi Kanowit, Dijih, Baoh, Sebakong, Pasai Siong, Skim Empuru Sekuau, Sibu, Song, Sarikei, Kuching, Raban BEM Selangau, Warga SMK Ulu Balingian enggau kaban belayan ke enda ulih dirintaika kami ditu.

Semua kita dipinta ngagai rumah Nancy Anak Uga tauka Indai Awa di Batu 62, Sepiring Jalai Sibu/Bintulu, kena 4. April. 2020 laban deka ngintu ngetas ulit Donald Ak Mabong, urung jam 8 malam.

Enti nitihka aum ke dulu suba, pengawa ngetas ulit niang Donald deka diintu bebala mayuh kena 28. March. 2020 tu tang diinsur kami baru ngagai 4. April. 2020. Ketegal Atur Mindah Besekat (PKP) nyentukka 31. March. 2020. Nya alai, haribulan ngetas ulit nya diinsur baru.

Enti nyema bala kita deka nemu penerang ti silik bekait enggau pengawa ngetas ulit niang Donald tu, nuan tau betanya, tauka WhatsApp ngena lumur: 019 467 8202 (Indai Awa)

Nuju semua bala ke bisi datai ngesah lebuh maya pengawa nyengaie niang Donald. Aku (Nancy) ngarika sebilik meri besai terima kasih ke tulung kita baik nya ari segi duit ringgit tauka tulang kita ke sama besaup ngelempungka pengawa kami sebilik.

Semina Tuhan aja ulih malas pemanah budi enggau basa kita. Terima kasih. Tuhan merekat semua 🙏


📌 JAKU GERAH!


Pesan tu datai ari Nancy ak Uga @ Indai Awa.

Pesan tu dituju ngagai semua bala ke ngelala niang Donald Ak Mabong.

Pesan tu madahka haribulan ngetas ulit lalu berantu anak menyadi aku niang Donald Ak Mabong diinsur baru enggau enda nyadi diintu malam 4 April 2020 ketegal Atur Mindah Besekat (PKP) nyentuk ke 14 April 2020.

Haribulan ngetas ulit niang bedau ulih dipadah laban penyakit COVID-19 agi benung ngerekai.

Nganti udah nadai agi Atur Mindah Besekat (PKP) kami madah baru. Terima kasih.

📝 Ditandu/seruri: 2 April 2020 (Hari Dua), 11.30 Pagi