Kini dik ka lari jang? -->
Cari Berita

Advertisement

Kini dik ka lari jang?

Admin | beritaiban@gmail.com
March 28, 2020

SEPI ASAI NUAN: Pendiau kereta suspek (tengah) enggau dadah ke ditemu polis ba palan kes nyadi.

KUCHING: Siku lelaki ditangkap polis pengudah nguji ngelarika diri ari kena peresa Ops Nagang Jalai Alun (PKP) enggau nguji ngelantak raban polis di Jalai Kuching-Serian, urung jam 6.30 pagi tadi.

Chief Polis Pampang Padawan, Superintenden Aidil Bolhassan madah, siku lelaki (suspek), 29 taun, orang ari Jalai Landeh diasuh ngetu laban deka bejalaika pengawa meresa ba Ops Nagang Jalai Alun Perintah Kawalan Pergerakan (PKP) di Batu 11 Jalai Kuching-Serian.

Ku iya, tang suspek nya enda ibuhka Ops Nagang Jalai Alun nya enggau nguji ngelarika diri ngena jalai ngelaban arus nuju ke Siburan.

"Nangkan ke nya, raban polis alu ngelampat kereta suspek enggau mujur ngetan ke iya enda jauh ari trafik light Batu 12, tang suspek agi enda mending ke jaku polis enggau sekali agi nguji ngelarika diri lalu ngejungka iya ngelantak dua buah kereta polis.

"Lebuh suspek nguji ngelarika diri, kereta suspek belantak enggau sebuah kereta lalu ngejungka kereta ke ditepan iya tepawah ba roundabout Batu 13. Suspek pengudah nya mujur ditangkap raban polis enggau iya dibaie ke Balai Polis Siburan kena bejalaika pengawa mansik," ku it lebuh ke dirandau pengarang berita sehari tu tadi.

Ku Aidil, adil pansik tumu, raban polis bisi nemu sebungkus pesetik ke dipechayaka dadah ba endur penuduk deriba kereta ke ditepan suspek nya.

"Kelimpah ari nya, asil peresa ai kemi suspek diripotka positif dadah Amphetamine enggau Methamphetamine," ku iya.

Suspek diatu ditan reman kena bejalaika pengawa mansik.