Siku lelaki ditemu parai ba dalam parit di Kuching -->
Cari Berita

Advertisement

Siku lelaki ditemu parai ba dalam parit di Kuching

Admin | beritaiban@gmail.com
March 28, 2020

PICHA DEKORATIF: Bangkai orang benung gali.

KUCHING: Bangkai siku lelaki ditemu ba dalam parit di taman rekreasi, enda jauh ari Wisma Bapa Malaysia malam tadi.

Sapit Chief Polis Superintenden Merbin Lisa madah, raban polis bisi nerima ripot bekait enggau bangkai siku ditemu ba taman rekreasi ari orang mayuh, urung jam 10.40 malam.

Ku iya, seraban polis lalu berumban ngesah ke palan penusah nyadi enggau bisi nemu bangkai siku lelaki ke nyauka reput.

"Lebuh datai, lelaki nya diripotka semina ngena tanchut panjai 'jeans'.

"Raban polis pechaya lelaki nya udah nadai lebih ari dua hari laban bangkai lelaki nya nyau udah belabuh reput," ku iya lebuh dirandau pengarang berita.

Asil pansik tumu, nadai bekau jamah tauka jenayah diripotka nyadi ba palan penusah nyadi.

"Nadai dokumen pengelala ke ditemu ba tubuh tauka gari lelaki nya.

"Taja pia, bangkai lelaki nya udah dianjung ke Sepital Besai Sarawak (HUS) kena bejalai ke pengawa buntas tasat" ku iya.

Naka kediatu, kes nya dituku ke nyadi Parai Ngenyit (SDR) seraya ke nganti pemutus peresa buntas tasat.

"Enti nyema ripot peresa buntas tasat bisi bekait enggau kes jenayah tauka utai bukai. Raban polis deka muka kes nya baru enggau mansik silik agi," tandu iya