3 lelaki enggau 3 indu ditangkap polis, begempuru ngirup ai bisa -->
Cari Berita

Advertisement

3 lelaki enggau 3 indu ditangkap polis, begempuru ngirup ai bisa

Admin | beritaiban@gmail.com
April 19, 2020

NYA UPAH KITA SEBUAT: Tiga lelaki enggau tiga indu Indon begempuru ngirup ai bisa mujur ditan polis kemari.

KUCHING: Enam iku orang benung begempuru enggau ngirup ai bisa ditangkap polis ketegal ngelaban Atur Mindah Besekat (PKP) ba sebuah rumah suwa, di Jalai Emas Jambusan, Bau, kemari.

Ketuai Polis Pelilih Bau, DSP Poge Nyaon, madah semua sida ke ditangkap nya, tiga lelaki peranak menua beumur entara 56-68 taun enggau tiga indu Indon beumur entara 20-36 taun.

"Ulah sida enam nya tebantai kemari (18 April 2020) urung jam 5.15 lemai, lebuh seraban polis ari Opis Tasat Jenayah Pelilih (IPD) Bau bejalaika pengawa ngemata Atur PKP.

"Asil ari 'snap check' enggau nyubuk tauka ngemata nya, raban polis mujur nangkap tiga lelaki peranak menua enggau tiga indu Indon ke benung begempuru enggau ngirup ai bisa ba luar sebuah rumah suwa ti nadai lumur di Jalai Emas Jambusan Bau," ku iya lebuh dirandau pengarang berita sehari tu, tadi.

Ku iya, raban polis udah tiga kali meri jaku lalau (warning) ngagai enam iku nya tang semua sida iya (suspek) enda ulih meri kebuah ti engkeman (logik) enggau ditukuka salah ketegal ngelaban Atur Mindah Besekat (PKP).

"Asil peresa tumu, semua sida enam (suspek) nadai ngembuan rikod jenayah sebedau tu.

Ku Poge, nangkan ke nya, semua sida enam (suspek) ditan enggau ditangkap ari baruh 'Seksyen 186 Kanun Keseksaan, Peraturan 11(1) Peraturan-Peraturan Pencegahan Dan Pengawalan Penyakit Berjangkit (Langkah-Langkah Di Dalam Kawasan Tempat Jangkitan 2020) dan Akta Imigresen.'

Naka kediatu, kes nya agi dipansik raban polis.