8 lelaki main bandat ditan polis, nadai pengawa maya Atur (PKP) -->
Cari Berita

Advertisement

8 lelaki main bandat ditan polis, nadai pengawa maya Atur (PKP)

Admin | beritaiban@gmail.com
April 7, 2020

NYA ULAH KITA SEBUAT NEH: Benung ranchak macha daun sekupung lebuh raban polis bejalaika operasyen abas ngenyit.

SIBU: Enda tan nadai pengawa diau di rumah, lapan lelaki mansang ke kedai judi ti nadai lisin enggau ngejungka sida iya sebuat ditan polis ketegal ngelaban Atur Mindah Besekat (PKP).

Sibu OCPD Asst Comm Stanley Jonathan Ringgit madah lapan lelaki nya deka dipansik ari baruh 'Peraturan 7 Pencegahan dan Kawalan Penyakit Berjangkit (Langkah-langkah Dalam Kawasan Tempatan Terjejas) Peraturan 2020' enggau 'Seksyen 7 (2) Akta Rumah Permainan Bersama.'

Ulah lapan lelaki nya tebantai urung jam 3.45 lemai kemari (Hari Satu), lebuh raban polis ari Opis Tasat Jenayah bejalaika operasyen abas ngenyit ba tingkat dua rumah kedai di pasar Sibu laban deka ngemataka pengawa bejudi nadai lisin.

"Lapan lelaki nya, beumur antara 22 - 32 taun ditan polis ketegal main bandat (Blackjack)," ku iya lebuh dirandau pengarang berita.

Polis mega mujur ngambi semua perengka ke dikena sida iya bejudi, 297 cip, siti mija, lapan bangku pesetik, enggau duit keretas RM364.