Pengawa Ngetas tauka Muai Ulit Niang Donald Anak Mabong deka dipejalaika lemai tu -->
Cari Berita

Advertisement

Pengawa Ngetas tauka Muai Ulit Niang Donald Anak Mabong deka dipejalaika lemai tu

Admin | beritaiban@gmail.com
April 12, 2020

RIP Niang Donald Anak Mabong

Meri tabi basa ngagai semua bala pemacha, apin lama tu tadi raban kami bisi nerima Jaku Pesan Bebatang ari Nancy Anak Uga (Indai Awa).

Jaku pesan tu madahka pengawa Ngetas tauka Muai Ulit Niang Donald Anak Mabong deka dipejalaika lemai tu, urung jam 6 lemai di rumah: Batu 62, Sepiring Jalai Sibu/Bintulu.

Enti nitihka randau maya beaum bebala mayuh suba pengawa Ngetas Ulit niang deka dipejalaika kena 28 March 2020 suba tang laban penyakit COVID-19 agi nyerekai enggau Atur Mindah Besekat (PKP) lalu diinsur ngagai 4 April 2020 tang enda ga nyadi ketegal timpuh ditambah tauka diinsur ngagai ujung bulan tu (28 April 2020).

Nya alai, kami sebilik ke bisi semak ditu deka muai tauka ngetas ulit lemai tu legi.

Pengawa ngetas ulit legi, diulu tauka betuaika Apai Ina enggau ngagai bala ke jauh tauka enda ulih datai kita mega dipinta muai ulit kita mega urung jam 6 lemai tu legi.

Lalu pengawa Berantu Niang Donald Anak Mabong apin temu tauka bedau bisi timpuh (haribulan).

Penudi sekali aku (Indai Awa) ngarika kami sebilik deka ampun ngagai semua bala belayan laban udah nginsur haribulan ngetas ulit niang enggau naka pengelengkas enggau enda ulih mai kita serumpu bebala mayuh lebuh bejalaika pengawa Ngetas Ulit lemai tu legi laban penyakit COVID-19 agi nyerekai enggau Atur Mindah Besekat (PKP).

Enti nyema nuan bisi utai ti deka ditanya bekaul enggau pengawa Ngetas Ulit Niang Donald Anak Mabong, kita ulih betalipaun tauka WhatsApp ngagai Indai Awa ngena lumur: 019 467 8202. Terima kasih