"Aku semina makai kemiding enggau ngirup ai sungai aja," ku Lajung -->
Cari Berita

Advertisement

"Aku semina makai kemiding enggau ngirup ai sungai aja," ku Lajung

Admin | beritaiban@gmail.com
April 20, 2020

KASIH AMAT: Pendiau Lajung pengudah ditemu raban SAR.

SPAOH: Siku lelaki orang tuai (warga emas) semina makai kemiding enggau ngirup ai sungai aja pengelama lapan hari pengudah iya diripotka lenyau, Hari Lima (10 April 2020), minggu nyin tadi, udah temu, ensana.

Nitihka penerang ke diterima pengarang berita beritaiban.com ari Kaunselor Abang Suhordie Abang Zaini, orang tuai nya dikelala ngena nama Lajung tauka Abu Bakar Dayat, 60 taun, orang ari Kampung Ulu ditemu raban Ngiga enggau Nyelamat (SAR) urung jam 2.20 lemai, Hari Enam (18 April 2020) ba Sebetan.

“Lebuh raban SAR betemu enggau iya, Lajung dipeda baka ke udah lemi tulang tauka nyau enda entu regas.

“Aku lalu nadai negu tauka makai asi pengudah aku lenyau tauka tesat, tang aku semina makai kemiding enggau ngirup ai sungai aja,” ku Lajung madah ke sebana ati lebuh dirandau pengarang berita.

“Puji Tuhan, asil gerempung bala genturung pendiau dia enggau raban SAR, kami udah mujur tetemuka Lajung. Aku ngarika bala ke sebilik enggau Lajung deka meri terima kasih ngagai semua bala ke udah besaup enggau ngiga iya (Lajung),” ku Abang.

Pengudah nya, Lajung lalu dibai ke Klinik Spaoh ngambika ulih diperesa enggau silik agi.

Sebedau penusah nyadi, anak menyadi Lajung, madah malam sebedau Lajung lenyau, kami sebilik bisi ninga iya baka ke bisi bejaku maya iya benung tinduk.

“Berindik ati nya, aku enggau kami sebilik bisi berasai nyelai maya nya. Tang lebuh aku nyenguk tauka ngabas iya benung tinduk. Pengudah nya, agi ga iya memunyi baru tang enda diibuhka kami aja,” ku anak menyadi Lajung lebuh ku nusui jerita ngagai pengarang berita.

“Pagi hari siti, kami sebilik nyau tekenyit meda iya nadai tinduk dia agi.

“Ketegal irauka pengelikun iya, kami sebilik lalu ngaga ripot di Balai Polis Spaoh, ngambika ulih nulung ngiga iya,” ku iya.