Atur PKP dilanjarka nyentuk 12 Mei 2020 -->
Cari Berita

Advertisement

Atur PKP dilanjarka nyentuk 12 Mei 2020

Admin | beritaiban@gmail.com
April 23, 2020

Menteri Besai Malaysia, Tan Sri Muhyiddin Yassin.

KUALA LUMPUR: Atur Mindah Besekat (PKP) ti patut abis timpuh 28 April 2020 tu dilanjar dua minggu da agi iya nya nyentuk 12 Mei 2020, ku Menteri Besai Tan Sri Muhyiddin Yassin.

"Nitihka statistik ke baru, penyampau orang sakit ti udah gerai majak mayuh niki nyentuk 3,542 kes, iya nya 63.2 peratus ke semua penyakit ti udah gerai.

"Enti nyema kes positif majak nurun tauka nadai, perintah engka ulih meri mimit gerah (kelonggaran)," ku Menteri Besai mansutka jaku pemutus tauka pekara nya ba pesan khas ti ditaburka terus nengah beberapa stesyen televisyen, malam tu tadi.

Tu mih kali ketiga Atur PKP ti udah dilanjarka ketegal deka nagang tauka nyeliahka ari penyakit COVID-19 nyelekai ba menua Malaysia.

Keterubah Atur PKP dipejalaika iya nya kena 18 Mac 2020.