Ba Sarawak semina siku aja ulih pansut ari rumah bebeli ke barang -->
Cari Berita

Advertisement

Ba Sarawak semina siku aja ulih pansut ari rumah bebeli ke barang

Admin | beritaiban@gmail.com
April 29, 2020

Sapit Kepala Menteri Sarawak, Datuk Dooglas Uggah Embas lebuh dirandau pengarang berita, sehari tu tadi.

KOTA SAMARAHAN:
Opis Komiti Mutarka Penusah Ngenyit Nengeri Sarawak (JPBNS) agi bedau meri pemendar ngagai dua iku orang ari sebuah ruang bilik ulih pansut keluar ari rumah lebuh bebeli ke barang tauka perengkaguna maya Atur Mindah Besekat (PKP) agi dipejalaika di Sarawak.

Sapit Kepala Menteri Sarawak, Datuk Amar Douglas Uggah Embas madahka, naka ke diatu JPBNS semina meri pemendar ngagai orang ti deka gawa ke kebun tauka deka nurun bumai.

"Aku agi bedau bulih penerang ti silik bekaul enggau pekara ti ngemendarka dua iku orang ulih pansut seretai enggau ngena sebuah entukar,” ku iya.

Ku iya, ba Sarawak naka ke diatu, kami semina meri pemendar ngagai orang ke bumai ti deka nurun ngetau padi aja ulih nepan sebuah entuka tauka siku deriba enggau siku agi nyadi penumpang.

"Tang orang mayuh ti enda nurun bumai, agi bedau. Kitai agi nganti dulu," ku iya mansutka jaku tauka pekara nya pengudah ngemata Operasyen Nyidi Kes Aktif COVID-19 di Taman Desa Ilmu enggau Taman Uni Garden, ditu, sehari tu tadi.



Berita ke baru diterima kami pagi tu tadi, penerang ti silik ulih dibacha nuan ba [DITU]