Bida mesej ari Opis LHDN enggau orang ti nguji ngelakar nuan -->
Cari Berita

Advertisement

Bida mesej ari Opis LHDN enggau orang ti nguji ngelakar nuan

Admin | beritaiban@gmail.com
April 2, 2020

Bida mesej ari LHDN (kiba) enggau mesej orang ti nguji ngelakar nuan (kanan).

MIRI: Kena 1 April 2020 majority peranak menua Malaysia udah belabuh ngisi pom Bantuan Prihatin Nasional (BPN) tauka bantu ari perintah besai.

Enti nyema nuan mujur bulih bantu nya, nuan deka nerima mesej ari Opis "Lembaga Hasil Dalam Negara Malaysia" (LHDNM).

Lemai tu tadi, raban kami bisi nerima penerang ari bala pemacha madah bisi orang ti deka nguji deka ngerakar tauka beambi orang ulih lebuh maya kitai benung tasah pasal penyakit COVID-19 enggau enda chukup penatai pemisi.

Asil pansik tumu raban kami, mesej ari Opis LHDN enggau orang ti nguji ngelakar nya bisa dua iti bida (ulih dipeda nuan ba baruh tu).

Mesej original ari Opis LHDN (kiba) enggau ke ba sepiak kanan nya mesej ari orang ti nguji deka ngerakar nuan.

Nuan ulih nemu tauka ngelaie ni bagi iya engkeman ari Opis LHDN tauka enda. Tu sekeda ari chara nuan mansik mesej ke diterima nuan:


  1. Nuan ulih nemu ari lumur talipaun ke dikena sida iya.
  2. Bala ari Opis LHDN tauka semua Opis Perintah sida enda kala minta ID Bank enggau password kitai.
  3. Enti nyema bisi asai kakang ati pasal mesej ke diterima nuan, nuan tau betanya enggau orang ke landik agi macha tauka bisi penemu dalam ba pekara nya.


Raban kami ngarapka semua kitai ulih nyeliahka diri ari kena kelakar orang ti ngembuan ati ti chelum tu.

Tau sadung artikel tu ngagai bala pangan, kelebih agi bala orang tuai ke diau di menua pesisir tauka rumah panjai. Ngambika sida ulih nyikap diri tumu enggau enda berumban baban meri penerang ngagai orang ti enda dikelala. Tuhan merekat semua 🙏