'Challenge' aja nya.. -->
Cari Berita

Advertisement

'Challenge' aja nya..

Admin | beritaiban@gmail.com
April 16, 2020

VIRAL: Banner "3 Days Total Lockdown Challenge" (kiba), komen sekeda orang ke ngena Facebook (kanan).

Dalam kandang beberapa hari tu, banner 3 Hari Bekurung (3 Days Total Lockdown Challenge) tebilang 'viral' ba WhatsApp enggau media sosial.

Sapit Kepala Menteri Sarawak, Datuk Amar Douglas Uggah Embas madah ke pengarang berita DayakDaily, berita nya bula tauka enda engkeman.

Banner 3 Days Total Lockdown Challenge

Pengudah berita nya tembu ditengkebang pengarang berita DayakDaily lalu dipansutka ba portal enggau Facebook pages, kemari (15 April 2020).

Enda lama pengudah nya, bisi beberapa iku orang kena ngena Facebook nimbal (komen) bekaul enggau banner 3 Hari Bekurung nya.

FACEBOOK KOMEN: Sekeda ari komen ke bisi dirikod kami.

Mayuh bala orang ke ngena Facebook madah nadai salah enti ka nguji tauka nunda laban nya semina 'challenge' aja.

"'Challenge' nya dituju ngagai orang mayuh (netizen) ngambika sida enda pansut tauka mindah ari rumah enti nadai kebuah berat maya ujung minggu tu.

"Baka orang mayuh ke enggau begagaka penganan nya meh iya," pia ku bala pemacha ke nimbal (komen).

FACEBOOK KOMEN: Sekeda ari komen ke bisi dirikod kami.

Asil pansik tumu raban beritaiban.com, mayuh bala nyukung penemu 'Challenge' 3 Days Total Lockdown nya laban sida deka nemu insur pengudah 'challenge' nya dipejalai.

Berebak enggau tu, raban kami minta semua kitai sama bela diau di rumah diri empu enggau anang pansut ari rumah enti nadai kebuah berat.

Anang sesekali ngelaban Atur Mindah Besekat (PKP) laban nuan ulih diukum enggau dijil.