Dini tau meri jaku kamah, nampar polis.. -->
Cari Berita

Advertisement

Dini tau meri jaku kamah, nampar polis..

Admin | beritaiban@gmail.com
April 9, 2020

NYA UPAH NUAN: Ditan reman empat hari.

MELAKA: Siku lelaki ditan reman empat hari pengudah nampar siku raban polis lebuh bejalaika operasyen Nagang Pejalai Jalai Alun (SJR) di Jalai Alor Gajah-Melaka-Jasin (AMJ)-Malim Jaya, Melaka, kemari.

Chief Polis Melaka Tengah, Asisten Komisioner Afzanizar Ahmad madah, lelaki nya (suspek) 55 taun ditangkap pengudah iya dipechayaka nampar enggau merak siku raban polis (mansa) lebuh bejalaika operasyen enggau beberapa iku raban sedadu.

Ku iya, lebuh penusah nyadi urung jam 1.30 tengah hari kemari, gaya trafik ba palan nya benung jem.

"Meda jalai nyau jem, lelaki nya (suspek) deriba kerita Proton Iswara Aeroback kediri lalu bejalai ngena jalai kiba (emergency road).

"Ulah ke digaga lelaki nya (suspek) dipeda siku raban polis (mansa) lalu ngetanka kerita iya (suspek) enggau ngasuh iya pulai baru ngena jalai besai (main road).

"Taja pia, lelaki nya (suspek) enda puas ati laban ke enggai mending utai ke dipadah polis nya (mansa).

"Nangkan ke nya, lelaki nya (suspek) lalu meri jaku kamah ngagai polis nya (mansa) sebedau polis nya ngasuh iya paking kerita ba tisi jalai enggau nganggauka pangan ke sama kereja ngatur lelaki nya (suspek).

"Lebuh polis nya (mansa) benung berandau enggau enggau lelaki nya (suspek), ngam-ngam maya nya suspek benung bediri sepiak polis nya. Enda memukai lelaki nya (suspek) tak lalu nampar mua sepiak kiba iya (mansa).

"Berindik ari nya, polis nya lalu nangkap lelaki nya (suspek) sebedau mai iya ke Balai Polis Malim kena bejalaika pengawa mansik silik agi," ku iya lebuh dirandau pengarang berita sehari tu tadi.

Kes dipansik ari baruh "Seksyen 353 Kanun Keseksaan yang memperuntukkan hukuman penjara maksimum dua tahun atau denda atau kedua-duanya jika sabit kesalahan, selain Peraturan 11, Peraturan-Peraturan Pencegahan Dan Pengawalan Penyakit Berjangkit (Langkah-langkah Di Dalam Kawalan Tempatan Jangkitan) 2020."