EKSIDEN KEDIRI: Siku lelaki bebadi nyawa, tepelanting ari kerita -->
Cari Berita

Advertisement

EKSIDEN KEDIRI: Siku lelaki bebadi nyawa, tepelanting ari kerita

Admin | beritaiban@gmail.com
April 27, 2020

KASIH AMAT: Bangkai Tawi Sili dibap ngena kain chura burak (kiba) enggau pendiau kerita ke ditepan iya (kanan), pengudah eksiden nyadi.

MUKAH: Siku lelaki bebadi nyawa pengudah kerita ke ditepan iya eksiden di kilometer 22 Jalai Mukah- Balingian, malam tadi.

Nitihka penerang ke diterima Berita Iban Online, lelaki ke bebadi nyawa dikelala ngena nama Tawi Sili Munang, 40 taun, orang ari Rumah Munang, Sungai Mateding, ditu.

Ketuai Polis Pelilih Mukah, Deputi Superitenden Jimmy Panyau madahka, raban polis bilik nerima kangau bekaul enggau eksiden nyadi urung jam 7.20 malam tadi.

“Eksiden nyadi, lebuh Tawi ngena kerita Mazda kediri ari muak Mateding nuju ke Pasar Besai Mukah.

“Lebuh datai ba palan eksiden nyadi, enda mukai-mukai kerita ke ditepan iya nya enda ulih dijaga enggau tepawah ke tisi jalai sepiak kiba lalu ngujungka kerita iya tama ba endur parit.

“Ba eksiden sama, Tawi diripotka tepelanting pansut ari kerita ke ditepan iya nya enggau ngujungka iya balat bakal ba pala,” ku iya lebuh dirandau pengarang berita.

Ku iya, raban Paramedik ari Sepital Mukah ti bisi datai ngesah ke palan eksiden nyadi madahka, Tawi udah enda ulih diselamatka agi tauka udah nadai.

“Pengudah nya, bangkai Tawi dianjung ke Sepital Mukah ngambika ulih bejalaika pengawa buntas tasat enggau kes dipansik ari baruh 'Seksyen 41 Akta Pengangkutan Jalan 1987',” tandu iya.

RIP Tawi.. 🙏😢