"Indai o indai.." ku siku anak mit nyerauh, malik ke atas langit -->
Cari Berita

Advertisement

"Indai o indai.." ku siku anak mit nyerauh, malik ke atas langit

Admin | beritaiban@gmail.com
April 12, 2020

KASIH AMAT: Sinu amat meda tudah ngemendar nya nganggauka indai lalu nyerauh malik ke atas langit.

Enda berasai ai mata enggai bebadu labuh nerutu naya ngenang penusah ke ditapi dua iku mit pengudah meda video seduai iya tebilang (viral) ba media sosial, pun bulan tu tadi.

Nyau ka enda alah abis peda admin video pengelama 2.07 minit ke dipansutka siku lelaki benama AJ ba status iya pun bulan tu tadi (1 April 2020).

Nitihka penerang ke diterima beritaiban.com, indai dua iku anak mit nya (diri semenyadi) udah nadai ketegal napi penyakit COVID-19 enggau penusah tu dipechayaka nyadi di menua Italy.

Anak mit nya ngerauh nganggauka indai iya lalu malik ke atas langit pengudah menyadi lelaki iya (abang) madahka iya indai seduai iya, udah diau ba ba atas langit.

Laban umur ke agi biak, dini tudah nemu reti jaku kelaung, jaku lalai kitai ti udah besai tuai.

Nyau rerauh tudah nganggauka indai iya engka dempa pengerindu tauka lelenggau deka betemu enggau indai iya ti udah lelang midang nadai pulai agi.

Enda kempang ati menyadi tuai iya (abang) meda iya nya nyau rerauh nganggauka indai seduai iya.

Dia iya (abang) pan nyau nyabak dedui lalu merap enggau nyium iya.

Tak naka meh penyinu enggau besai amat penguji ke diberi Tuhan ngagai sida iya sebilik.. 😢



Amat enggai bebadu ai mata admin labuh naya nyentukka basah laptop lebuh maya nengkebang artikel tu.

Nyau bendar admin ngendas ai mata ngena pelechak.



Aram kitai sama besampi ngagai semua sida sebilik ulih besabar napi penguji tu enggau ngarapka semengat indai iya (niang) begulai manah enggau orang ti kudus di serega. Amen 🙏