Kedai nyual perengka pesetik, kontena, ngaga kuih, aksesori dikemendar buka 2 kali seminggu -->
Cari Berita

Advertisement

Kedai nyual perengka pesetik, kontena, ngaga kuih, aksesori dikemendar buka 2 kali seminggu

Admin | beritaiban@gmail.com
April 22, 2020

📷 BAKE WITH YEN: Picha kedai ke nyual perengka ngaga kuih enggau kontena.

KUCHING: Kedai nyual perengka pesetik, kontena, ngaga kuih enggau aksesori dikemendar dibuka dua kali seminggu.

Sapit Kepala Menteri, Datuk Amar Douglas Uggah Embas, madah kedai nya diasuh buka ngambika bala orang indu tauka indai, orang dagang mit enggau ulih nyikap diri tauka mupuk ngaga kuih maya nyerumba Hari Gawai enggau Hari Raya ti nyau deka datai.

“Pengerami Hari Gawai enggau Hari Raya majak semak lalu udah tentu tebal agi ruang bilik deka ngaga mayuh macham kuih, nya alai Komiti Mutarka Penusah Ngenyit Nengeri Sarawak (JPBNS) udah besetuju ngemendarka kedai nyual barang plastik, kontena, aksesori enggau perengka ti dikena begaga ke kuih dibuka.

“Taja pia, kedai nya semina dikemendarka dibuka dua (2) kali seminggu aja, iya nya Hari Tiga enggau Hari Lima ari jam 7 pagi ngagai 7 lemai,” ku Uggah ti mega Chairman JPBNS.

Uggah mansutka jaku tauka pekara nya ba Aum Pengarang Berita COVID-19 Sarawak ba Wisma Bapa Malaysia ditu. kemari.