Pendam Gereja Katolik enggau SIB di Batu Niah, kena sengkubang orang -->
Cari Berita

Advertisement

Pendam Gereja Katolik enggau SIB di Batu Niah, kena sengkubang orang

Admin | beritaiban@gmail.com
April 19, 2020

TENAKO-NAKO: Pendiau ba pendam ke kena sengkubang orang nya.

BATU NIAH: Lemai tu tadi, siku lelaki ke dikelala ngena nama Jackson sebana ba media rama madahka bisi pendam Gereja Katolik enggau SIB kena sengkubang orang ke nadai adat.

Ku Jackson, mayuh amat pendam kena sengkubang orang.

"Enda nyangka orang ke engkubang pendam (suspek) nyau beambi ulih maya dunya agi sigak tauka maya Atur Mindah Besekat (PKP)," ku iya lebuh dirandau pengarang berita, lemai tu tadi.

"Barang sapa ke bisi bala kaban belayan ba  pendam tu, kita tau ngabas kitu tang anang datai bebala mayuh, anang ngelaban Atur PKP," ku iya.

Nangkan ke nya, Pastor Usek udah ngaga ripot polis bekaul enggau pendam kena sengkubang orang nya.

Ku Pastor, pagar dawai urung pemanjai 20 mita udah nadai peda agi tauka lenyau enda temu kini penunga.

"Lebuh tama endur pendam dia, aku bisi meda pendam niang Harry Ak Gili udah kena sengkubang orang tang penyampau utai ke lenyau apin temu," ku iya.

"Nya alai aku ngaga ripot polis lemai tu tadi ngambika raban polis ulih bejalaika pengawa mansik enggau mutarka penanggul tu," tandu iya.