RIP ASP Aldrin Anak Gonda -->
Cari Berita

Advertisement

RIP ASP Aldrin Anak Gonda

Admin | beritaiban@gmail.com
April 19, 2020

KASIH AMAT: RIP ASP Aldrin Anak Gonda 😢

KEDAH
: Apin lama tu tadi, raban kami bisi nerima penerang tu chukup sinu, iya nya madahka ASP Aldrin Anak Gonda udah nadai pagi tu tadi.

Nitihka penerang ke diterima beritaiban.com, ASP Aldrin Anak Gonda ke nyadi Ketuai Opis Tasat Jenayah Narkotik, orang ari Serian, udah nadai ketegal eksiden urung jam 11:30 pagi tadi lebuh iya bejalaika OP COVID-19.

Pemidang niang udah ngujungka IPD Kota Setar, lenyau siku ari pemesai ti chukup komited enggau bededikasi lebuh ngereja pengawa.

Berebak enggau tu, raban kami meri penyinu ati ngagai semua bala ke sepintu bilik enggau niang ASP Aldrin Anak Gonda ke udah ditinggalka iya.

Ngarapka sida sebilik ulih besabar napi penguji ti chukup besai tu.

Taja niang udah midang lelang enda pulai agi tang pemanah budi enggau basa niang lebuh iya agi idup seruran dikenang kitai belama.

Aram kitai sama besampi awakka semengat niang begulai enggau orang ti tuchi di serega. Amen 🙏