RIP Magdelene Sami Anak Thomas tauka Indai Tina -->
Cari Berita

Advertisement

RIP Magdelene Sami Anak Thomas tauka Indai Tina

Admin | beritaiban@gmail.com
April 1, 2020

RIP Magdelene Sami Anak Thomas (Indai Tina) 😢

Selamat lemai semua, tengahari tu tadi raban kami bisi nerima Jaku Pesan Pemati ari Seriah Thomas.

Jaku pesan tu dituju aku ngagai semua bala kaban belayan ka ngelala niang menyadi kami, Magdelene Sami Anak Thomas (Indai Tina) udah nadai lemai kemari, Hari Dua (30 March 2020) di Sepital Besai Kuching.

Tengahari tu kami sebuat mai tubuh niang ari Kuching ke Sibu Jaya.

Semua kaban belayan ke Magdelene Sami Anak Thomas (Indai Tina) dipinta datai enggau ngintu niang ba rumah iya empu di Lot 232, No 5J Lorong 7K Sibu Jaya.

Niang Magdelene Sami Anak Thomas (Indai Tina) deka dikuburka kena Hari Lima (3 April 2020) ba tanah kubur SDNU Sibu.

Berebak enggau tu, kami ari raban Berita Iban Online (BIO) ngenataika penyinu ati ngagai semua kaban belayan ke sama sebilik enggau niang Magdelene Sami, kelebih agi ngagai bala anak ke udah ditinggalka iya.

Ngarapka sida iya sebilik ulih besabar napi penguji tu. Taja niang udah nadai ba dunya injau tu, pemanah budi enggau basa maya iya agi idup seruran dikenang kitai belama..

Aram kitai sama besampi awakka semengat niang begulai manah enggau orang kudus di Serega. Amen.

JAKU TANGKAN: Minta semua bala kaban belayan ke deka datai ngesah enggau nyengaie tauka ngintu niang Magdelene Sami Anak Thomas (Indai Tina), kita dipinta nitihka "Atur Mindah Besekat" (PKP).