Siku lelaki bebadi nyawa, mutosikal belantak enggau 4WD di Kuching -->
Cari Berita

Advertisement

Siku lelaki bebadi nyawa, mutosikal belantak enggau 4WD di Kuching

Admin | beritaiban@gmail.com
April 26, 2020

BALAT AMAT: Pendiau mutosikal enggau 4WD pengudah eksiden nyadi.

KUCHING: Seorang lelaki bebadi nyawa pengudah mutosikal ke ditepan iya belantak enggau sebuah kerita 4WD di Batu 29, Jalan Kuching-Serian, malam tu tadi.

Pengari Operasyen Opis Bomba enggau Penyelamat Malaysia (JBPM) Sarawak madahka, lelaki ke ngena mutosikal nya dikelala ngena nama Bonny Jungkot, 35 taun.

Raban Paramedik ti bisi datai ngesah ke palan eksiden nyadi madahka, iya (Bonny) udah enda ulih diselamatka agi tauka udah nadai ba endur eksiden nyadi.

Ku iya, kami bisi nerima kangau bekaul enggau eksiden ti nyadi nya, urung jam 7.12 malam sebedau seraban bomba ari Balai Bomba Siburan ngesah ke palan eksiden nyadi.

"Lebuh datai, ketuai operasyen kami madahka dua buah entuka eksiden ba palan nya, iya nya sebuah motosikal enggau sebuah kerita 4WD ti telentang ba atas jalai nya.

"Raban Paramedik madahka, deriba mutosikal (Bonny) udah nadai ba palan eksiden nyadi," ku iya.

Tang deriba kerita 4WD nya semina bakal mimit aja.

Bangkai Bonny udah disuaka ngagai raban polis ngambika ulih bejalaika pengawa silik agi.

RIP Bonny.. 🙏😢