Siku lelaki bebadi nyawa, ngelantak tiang api -->
Cari Berita

Advertisement

Siku lelaki bebadi nyawa, ngelantak tiang api

Admin | beritaiban@gmail.com
April 26, 2020

RIP ANDREA: Pendiau mutosikal ke ditepan Andrea (picha mit) pengudah eksiden nyadi.

BINTULU: Siku lelaki bebadi nyawa pengudah mutosikal ke ditepan iya eksiden di Jalai Nyabau, Bintulu, lemai kemari.

Ketuai Opis Tasat enggau Penguasa Trafik Sarawak, Superintenden Alexson Naga Chabu madahka, asil pansik tumu, eksiden nyadi bepun ari mutosikal je ditepan iya enda ulih dijaga lalu tepawah ngujungka iya ngelantak tiang api.

Lelaki ke bebadi nyawa nya dikelala ngena nama Andrea Adrian Anak Sera (Yan), ti nyadi deriba treller, 26 taun.

Andrea diripotka balat bakal ba tubuh sereta pala enggau ngapuska seput kepenudi lebuh iya diperubatka di Sepital Bintulu.

Eksiden nyadi lebuh iya (Andrea) ngena mutosikal Yamaha 125 deka pulai ke rumah iya di Berek LAKU, Jalai Nyabau, ditu.

Lebuh datai ba palan eksiden nyadi, motosikal ke ditepan iya (Andrea) enda ulih dijaga lalu ngujungka iya ngelantak tiang api di pembagi jalai nya.

Kes dipansik ari baruh "Sekyen 41(1) Akta Pengangkutan Jalan 1987."

RIP Yan.. 🙏😢