Siku lelaki parai, motosikal tepawah di Jalai Sibu - Durin -->
Cari Berita

Advertisement

Siku lelaki parai, motosikal tepawah di Jalai Sibu - Durin

Frankie John™
April 15, 2020

KASIH AMAT: Pendiau ba palan eksiden nyadi.

SIBU: Siku lelaki parai pengudah motosikal ke ditepan iya tepawah di Jalai Sibu - Durin, sehari tu tadi.

Direktor Opis Mansik enggau Neritka Adat Trafik Sarawak, Superintenden Alexson Naga Chabu madah lelaki siku ari raban polis ti udah pinchin, dikelala ngena nama Siking Tausap, 69 taun, orang ari Rumah John Ujang, Sungai Durin.

Ku iya, eksiden nyadi lebuh Siking ngena motorsikal deka pulai ke rumah ari kebun enggau motosikal ke ditepan iya enda ulih dijaga lalu ngujung ke iya tepawah ke tisi jalai sepiak kiba.

"Raban ambulans ari Sepital Sibu madah Siking udah enda ulih diselamatka agi tauka nadai ba palan eksiden nyadi," ku iya.

Nitihka penerang ari bini Siking, laki iya (Siking) nya sigi bisi napi penyakit jantung.

Kes dipansik ari baruh "Seksyen 41(1) Akta Pengangkutan Jalan 1987".